સરકાર તરફથી શરૂ કરવામાં આવેલી સુકન્યા સમૃદ્ધિ યોજના હાલ ખૂબ જ ચર્ચામાં છે પરંતુ ઘણા લોકોના મનમાં એવો પ્રશ્ન છે કે આ ખાતું કેવી રીતે ખુલશે. એના માટે ક્યાં આવેદન કરવું પડશે કયા કયા કાગળ જોઇએ.
સુકન્યા સમૃદ્ધિ યોજનાનું ખાતું ખોલવા માટે પહેલા 1000 રૂપિયાની જરૂર પડતી હતી જે હવે સરકારે ઘટાડીને માત્ર 250 રૂપિયા કરી દીધી.
સુકન્યા સમૃદ્ધિ યોજનાનું ખાતું ખોલાવવા માટે બાળકીનું બર્થસર્ટિફિકેટ માતા પિતાનું ફોટો ઓળખ પત્ર એડ્રેસ પ્રૂફ બાળક અને માતા પિતાનો ફોટા જેવા દસ્તાવેજ હોવા જોઇએ.
તમે પોસ્ટ ઓફિસ અને કોમર્શિયલ બેંકમાં આ ખાતું ખોલાવી શકો છો. આ ઉપરાંત જે બેંક અથવા અન્ય નાણાકીય સંસ્થા જે પીપીએફ ખાતા ખોલે છે ત્યાં પણ આ ખાતાને ખોલાવી શકાશે.
આવી રીતે ખોલો ખાતું
ખાતું ખોલવા માટે સૌથી પહેલા ફોર્મ ભરો અને એની સાથે તમામ દસ્તાવેજોને જમા કરો પછી ફોટા સાથે ઓછામાં ઓછા 250 રૂપિયા જમા કરો. અકાઉન્ટ અથવા ખાતું ખોલાવ્યા બાદ તમે પૈસા ચેક અથવા ડિમાન્ડ ડ્રાફ્ટ દ્વારા પણ જમા કરાવી શકો છો.
વ્યાજ દરના મામલે સુકન્યા સમૃદ્ધિ યોજના પીપીએફથી વધારે આકર્ષક છે. પીપીએફ પર 7.8 ટકા વ્યાજ મળી રહ્યું છે. જ્યારે સુકન્યા સમૃદ્ધિ યોજના પર 9.1 ટકા વ્યાજ છે. સાથે આ પૂરી રીતે ટેક્સ ફ્રી છે.