દુનિયાનાં ચોથા સૌથી મોટા અમીર ગણાતા એવા વૉરેન બફે (Warren Buffett) નાં માલિકીવાળી કંપની બર્કશાયર હૈથવે (Berkshire Hathaway) વાર્ષિક શેરહોલ્ડર મીટિંગ શનિવારનાં રોજ પૂર્ણ થઇ ગઇ. આ સાથે જ વૉરેન બફેનાં નજીકનાં ગણાતા એવાં ભારતીય મૂળનાં અજીત જૈન (Ajit Jain) ને તેમની 537 અરબ ડૉલર (37 લાખ કરોડ રૂપિયા) માર્કેટ વેલ્યુવાળી કંપનીની કમાન સોંપાવાની ચર્ચાઓ શરૂ થઇ ગઇ છે.
ઓમાહાઃ દુનિયાનાં ચોથા સૌથી મોટા અમીર ગણાતા એવા વૉરેન બફે (Warren Buffett) નાં માલિકીવાળી કંપની બર્કશાયર હૈથવે (Berkshire Hathaway) વાર્ષિક શેરહોલ્ડર મીટિંગ શનિવારનાં રોજ પૂર્ણ થઇ ગઇ. આ સાથે જ વૉરેન બફેનાં નજીકનાં ગણાતા એવાં ભારતીય મૂળનાં અજીત જૈન (Ajit Jain) ને તેમની 537 અરબ ડૉલર (37 લાખ કરોડ રૂપિયા) માર્કેટ વેલ્યુવાળી કંપનીની કમાન સોંપાવાની ચર્ચાઓ શરૂ થઇ ગઇ છે. ખુદ વૉરેન બફેએ જ ભારે મીટિંગમાં એ વાતનો સંકેત આપ્યો.
વૉરેન બફેએ મીટિંગમાં આપ્યા સંકેતઃ
સીએનબીસીનાં એક રિપોર્ટ અનુસાર, વૉરેન બફેએ એજીએમમાં ખુલીને કોઇ જ જાહેરાત નથી કરી, પરંતુ એવો સંકેત આપ્યો કે ભવિષ્યમાં બર્કશાયર હૈથવેની કમાન કોણ સંભાળશે. મીડિયાએ બફેને એ અંગે પણ સવાલ કર્યો. જેનાં પર તેઓએ ખુલીને તો નથી બોલ્યાં પરંતુ એક ઇશારો કરીને તમામને કન્ફ્યુશન જરૂર કરી દીધાં. વૉરેન બફેએ સીધો જવાબ આપવાને બદલે બે નામ લીધાં કે જેમાં પહેલું નામ હતું 57 વર્ષીય ગ્રેગ એબલ (Greg Abel)નું અને પછી 67 વર્ષીય ભારતીય મૂળનાં અજીત જૈનનું નામ લીધું. ગયા વર્ષે જ બંનેને પ્રમોશન આપવામાં આવ્યું અને કંપનીનાં બોર્ડ ઓફ ડાયરેક્ટર્સમાં તેઓને જગ્યા મળી હતી. એક્સપર્ટ લોકો એવું માને છે કે જૈન પાસે કંપનીની વિરાસત સંભાળવાનો અવસર વધારે છે.
14 હજાર કરોડ રૂપિયાની સંપત્તિનાં માલિક છે જૈનઃ
મીડિયા રિપોર્ટ્સ અનુસાર જોઇએ તો, અજીત જૈન 2 અરબ ડૉલર (14 હજાર કરોડ રૂપિયા)ની સંપત્તિનાં માલિક છે. જેની પર દુનિયાનાં ત્રીજા અમીર વૉરેન બફે ખૂબ ભરોસો કરે છે. એટલું જ નહીં, આ શખ્સને બફેનાં ઉત્તરાધિકારી પણ માનવામાં આવવા લાગ્યું છે. અજીત જૈન લાંબા સમયથી બફે સાથે જોડાયેલા છે. સૌથી રસપ્રદ બાબત તો એ છે કે અજીત જૈન ક્યારેક સેલ્સમેનની નોકરી કરતા હતાં. બ્લૂમબર્ગ બિલિનિયર્સ ઇન્ડેક્સ અનુસાર વૉરેન બફે વર્તમાનમાં દુનિયાનાં ચોથા નંબરનાં સૌથી અમીર શખ્સ છે કે જેમનો રિયલ ટાઇમ નેટવર્થ લગભગ 90 અરબ ડૉલર એટલે કે અંદાજે 6.30 લાખ કરોડ રૂપિયા છે.
આઇઆઇટી ખડગપુરથી કર્યો અભ્યાસઃ
ઓરિસ્સાનાં કટકમાં જન્મેલ અજીત જૈને આઇઆઇટીનો અભ્યાસ કર્યો છે. તેઓએ 1972માં આઇઆઇટી ખડગપુરથી અભ્યાસ કર્યો છે. જૈને ભારતમાં 1973થી 1976 સુધી ડેટા પ્રોસેસિંગ ઓપરેશન માટે ઇન્ટરનેશનલ બિઝનેસ મશીન કોર્પોરેશન (IBM) માં સેલ્સમેન તરીકે કામ કર્યુ. તેઓને 1976માં પોતાની નોકરીમાંથી પણ છુટું થવુ પડ્યું. હકીકતમાં આઇબીએમે આ પ્રોજેક્ટને ભારતમાં બંધ કરી દીધો હતો.