દુનિયામાં આ જગ્યાઓ પર સૂર્ય 70 દિવસ સુધી નથી ડૂબતો.
દુનિયાની આ જગ્યાઓ છે અદભૂત
70 દિવસ સુધી સતત રહે છે દિવસ
મહિનાઓ સુધી સૂર્યાસ્ત નથી થતો
પ્રકૃતિનો નિયમ છે દિવસ બાદ રાત અને રાત બાદ દિવસ થાય છે. આ વાત આપણે બધા જાણીએ છીએ પરંતુ કદાચ જ લોકોને ખબર હશે કે એવી ઘણી જગ્યાઓ છે જ્યાં સૂર્ય આથમતો જ નથી. દુનિયામાં આ જગ્યાઓ પર સૂર્ય 70 દિવસ સુધી નથી ડૂબતો. હવે તમને પ્રશ્ન થશે કે આવું કઈ રીતે શક્ય છે? કે સૂર્ય અહીં આથમતો જ નથી. પૃથ્વી પર આવી ઘણી જગ્યાઓ છે. આવો જાણીએ તેના વિશે
નોર્વે
નોર્વેને મિડનાઈટ સનના નામથી પણ જાણવામાં આવે છે. એક એવો જ દેશ છે જ્યાં મેં મહિનાથી લઈને જુલાઈ મહિનાના છેલ્લા દિવસ સુધી સૂર્ય આથમતો નથી. અહીં સતત 76 દિવસ રહે છે અને રાત નથી થતી. અહીંના સ્વાલવર્ડમાં પણ સૂર્ય 10 એપ્રિલથી 23 ઓગસ્ટ સુધી અસ્ત નથી થતો.
કેનેડા
કેનેડાનું નુનાવુત શહેર ખૂબ જ સુંદર છે. અહીં વસ્તી લગભગ ત્રણ હજાર છે. આ શહેરમાં ફક્ત 2 મહિના માટે જ સૂર્ય આથમે છે. શિયાળામાં અહીં દિવસ નથી થતો અને ફક્ત રાત જ રહે છે.
આઈસલેન્ડ
યુરોપના સૌથી મોટા દ્વીપમાં શામેલ આઈસલેન્ડમાં જૂનમાં ક્યારેય સૂર્ય ડૂબતો નથી. અહીં 24 કલાક દિવસ રહે છે. ગ્રેટ બ્રિટન બાદ આઈસલેન્ડ યુરોપનો સૌથી મોટો દ્વીપ છે.
અલાસ્કા
અલાસ્કાના શહેર બૈરોમાં મેંના અંતથી જુલાઈ સુધી સૂર્ય અસ્ત નથી થતો. ત્યાર બાદ શિયાળામાં એટલે કે નવેમ્બરની શરૂઆતમાં અહીં એક મહિનાની રાત થાય છે. આ સમયને પોલર નાઈટ્સ કહેવામાં આવે છે. તમે અહીં ગરમી અને ઠંડીનિ ઋતુમાં જઈ શકો છો.
ફિનલેન્ડ
આ દેશના મોટાભાગના વિસ્તારમાં ફક્ત 73 દિવસ સુધી સૂર્ય નિકળે છે. શિયાળામાં અહીં ખૂબ જ અંધારૂ રહે છે. એટલે કે ડિસેમ્બરથી જાન્યુઆરીની વચ્ચે સૂર્ય નથી નિકળતો. આર્ટિકલ સર્કલમાં આવતી જગ્યાઓ પર આમ થાય છે.