OMG / એક જ માણસ બેસી શકે તેવી ક્યૂટ કાર, 1 લીટરમાં જાણો કેટલા km કાપશે

• 31 વર્ષીય Alex Orchin ચલાવે છે દુનિયાની સૌથી નાની કાર 
• આ કારની ટોપ સ્પીડ છે 37 km/h 
• વર્લ્ડ રેકોર્ડમાં પણ છે સામેલ 

એક વ્યક્તિ છે, જે દુનિયાની સૌથી નાની કાર ચલાવે છે. તેનું કહેવું છે કે લોકો તેની નાની કારની મજાક બનાવે છે. પરંતુ તેનો ઓઈલ પર આવતો ખર્ચ બીજી કાર કરતા ઘણો ઓછો છે. આ કારનું નામ Peel P50 છે, જે 134 સેન્ટીમીટર લાંબી, 98 સેન્ટીમીટર પહોળી અને 100 સેન્ટીમીટર ઉંચી છે. જ્યારે આ કારની પેટ્રોલની ટંકી માત્ર 5 લીટરની છે. 31 વર્ષીય Alex Orchin આ ક્યૂટ કારના માલિક છે. તેઓ રોજ કામ પર બ્રિટેનનાં સસેક્સ શહેરમાં પોતાની આ વાદળી રંગની કારમાં જ યાત્રા કરે છે. એલેક્સ 5 ફૂટ 11 ઇંચ લાંબા છે, અને જ્યારે આ કાર સામે તેઓ ઉભા રહે છે, તો વિશ્વાસ કરવો અઘરો પડી જાય છે કે તેઓ આ કારમાં ફીટ આવતા હશે. 

એક લીટરમાં ચાલે છે આટલા કિલોમીટર 
જે કોઈપણ આ કારણે જુએ છે, તેની મજાક બનાવે છે. પરંતુ એલેક્સ તેમને એ જ જવાબ આપે છે કે આ નાનકડી કાર સૌથી સસ્તી છે. આ કાર લગભગ 42 કિલોમીટર પ્રતિ લીટરની માઈલેજ આપે છે. આ ત્રણ પૈડા અને 4.5 હોર્સપાવર એંજીનવાળી આ કારનું નિર્માણ બ્રિટેનનાં 'પીલ એન્જીનીયરીંગ કંપની' કરે છે. જણાવી દઈએ કે આ કારનું નિર્માણ 1962 થી 1965 સુધીમાં થયું હતું. જોકે 2010માં એક વાર ફરી આ કારનું નિર્માણ શરુ થયું હતું. 

આ કારની ટોપ સ્પીડ છે 37 km/h 
આ કાર વન સીટર છે, જેમાં એક સુટકેસ રાખવાની પણ જગ્યા નથી. આવામાં સ્ટીયરિંગની એક તરફ જ પોતાના પગ એડજસ્ટ કરવા પડે છે. ટોપ ગીયર શોમાં જેરેમી ક્લાર્કસનને આ કાર ચલાવતા જોવામાં આવ્યા હતા, જ્યાર બાદથી એલેક્સને આ કાર પસંદ પડી ગઈ. ગયા વર્ષે તેમણે આ કારમાં આખા બ્રિટેનની યાત્રા કરી હતી. આ ક્યૂટ કારની ટોપ સ્પીડ 37 કિલોમીટર પ્રતિ કલાક છે. 

Presenting you with the world’s smallest car with a top speed of 23mph… Before you start laughing, a full tank costs £7 and can go 100 miles. Who’s laughing now?

[@SWNS] pic.twitter.com/O2eZDbrKgh

— Step (@stepconference) March 31, 2022

કારની કિંમત ચોંકાવનારી 
એલેક્સે જણાવ્યું કે તેમને બાળપણથી જ જૂની, વિન્ટેજ અને દેખાવમાં અલગ હોય તેવી ગાડીઓ પસંદ આવે છે. તેમની પાસે 1914 Model T અને 1968 Morris Minor કાર પણ છે. એલેક્સે આગળ કહ્યું કે તેમને પી50 કાર નાની સાઈઝને કારણે ખૂબ જ પસંદ પડી. પરંતુ જ્યારે તેમને આ કારની સાચી કિંમતની જાણ થઇ, તો તેઓ ચોંકી ગયા. કારની કિંમત 84 લાખ રૂપિયા કરતા પણ વધારે હતી. એટલા માટે તેમણે પોતાના શહેરનાં એક વ્યક્તિ પાસેથી સેકન્ડ હેન્ડ કાર ખરીદી હતી. 

વર્લ્ડ રેકોર્ડમાં પણ છે સામેલ 
એલેક્સ જણાવે છે કે આ કાર હંમેશા જ લોકોને આકર્ષિત કરે છે, જે આ કારને જુએ છે, તે કહે છે કે આ કાર તમારી કલ્પના કરતા પણ નાની દેખાય છે. તેઓ કહે છે કે કારની હેડબ્રેકની બાજુમાં તેઓ શોપિંગ બેગ માંડ માંડ રાખી શકે છે, બીજું કંઈ જ રાખી શકતા નથી. વર્ષ 2010માં આ કારને દુનિયાની સૌથી નાની કાર ઘોષિત કરવામાં આવી હતી, જેનું નામ 'ગિનીજ બૂક ઓફ વર્લ્ડ રેકોર્ડ'માં પણ સામેલ છે.