IPL 2021 દરમિયાન જેમની મિત્રતા થઇ હતી, એવા ગ્લેન મેકસવેલ અને યુઝવેન્દ્ર ચહલ આ વર્ષે અલગ અલગ ટીમમાં રમી રહ્યા છે. જાણો તેમની મિત્રતાના કિસ્સાઓ
યુઝવેન્દ્ર ચહલ અને ગ્લેન મેકસવેલ વચ્ચે IPL 2021 દરમિયાન થઈ મિત્રતા
IPL 2022માં બંને અલગ અલગ ટીમમાં
સોશિયલ મીડિયા પર બંનેની મિત્રતાની ચર્ચાઓ
IPL એવું મંચ છે જ્યાં ઘણા દેશનાં ખેલાડીઓને એકસાથે રમવાનો મોકો મળે છે. ક્યારેક એકબીજાના હરીફ રહેલા આ ખેલાડીઓ એક ટીમમાં રમે છે. આ દરમિયાન, તેમની વચ્ચે ન માત્ર ક્રિકેટને લઈને વાતચીત થાય છે, પરંતુ આ ખેલાડીઓ એકબીજા સાથે સારું બોન્ડિંગ પણ શેર કરે છે. IPLમાં વિરાટ કોહલી-એબી ડીવિલિયર્સ, ધોની -રૈનાની મિત્રતાનાં કિસ્સાઓ તો તમે સાંભળ્યા જ હશે, પરંતુ આજકાલ ઓસ્ટ્રેલિયાનાં ઓલરાઉન્ડર ગ્લેન મેકસવેલ અને ભારતીય સ્પિનર યુઝવેન્દ્ર ચહલની મિત્રતા ચર્ચામાં છે. આ બંને ખેલાડી ખૂબ જ સારું બોન્ડિંગ શેર કરે છે.
આવી રીતે થઇ હતી મેક્સી અને યુઝીની મિત્રતા
ગયા વર્ષે રોયલ ચેલેન્જર્સ બેંગ્લોરની ટીમમાં ગ્લેન મેકસવેલની એન્ટ્રી થઇ હતી. એ સમયે ભારતીય સ્પિનર યુઝવેન્દ્ર ચહલ પણ આ ટીમનો હિસ્સો હતા. બંને વચ્ચે IPL 2021 દરમિયાન જ મિત્રતા વધી હતી અને આ સિઝનમાં બંને અલગ અલગ ટીમમાં હોવા છતાં પણ તેમની મિત્રતામાં કોઈ અછત આવી નથી અને બંને એકબીજા સાથે સારો બોન્ડ શેર કરે છે.
મેકસવેલ અને ચહલનો ક્યૂટ વીડિયો
ઇન્સ્ટાગ્રામ પર મેકસવેલ અને ચહલનો એક ક્યૂટ વીડિયો શેર કરવામાં આવ્યો છે. જેમાં આ બંને એકબીજા સાથે મસ્તી કરતા જોવા મળી રહ્યા છે. ફેન્સે તેમણે ટોમ એંડ જેરી કહ્યા છે.
IPL 2022માં મચાવી રહ્યા છે બંને ધમાલ
જણાવી દઈએ કે IPL 2022 માટે એક તરફ જ્યાં ગ્લેન મેકસવેલને રોયલ ચેલેન્જર્સ બેંગ્લોરે રિટેન કાર્ય હતા, ત્યારે યુઝવેન્દ્ર ચહલને રાજસ્થાન રોયલ્સે આ જ વર્ષે 6.50 કરોડમાં ખરીદ્યા હતા અને પોતાની ટીમમાં સામેલ કર્યા હતા. તેઓ અહી પણ ખૂબ જ સારું પ્રદર્શન કરી રહ્યા છે. ચહલ છ મેચમાં 17 વિકેટ લઈને કેપ હોલ્ડર છે. જ્યારે ગ્લેન મેકસવેલે આ સીઝનમાં 4 મેચમાં 112 રન અને 1 વિકેટ પોતાને નામ કરી છે.