તમારા કામનું / પોલીસ લાયસન્સ જમા કરે તો સામે તમે આ વસ્તુ માંગજો...: જાણી લો 5 ખાસ નિયમો, ક્યારેય નહીં પડે મુશ્કેલી

• ટ્રાફિક પોલીસનું હંમેશા યુનિફોર્મમાં હોવું જરૂરી 
• દંડ ફટકારવા પર રસીદ મળવી જોઈએ 
• કારની અંદર જો તમે બેઠા છો, તો વાહન ટો ન થઇ શકે  

રસ્તા પર વાહન ચલાવતા સમયે આપણને મોટેભાગે ટ્રાફિક પોલીસ રોકી લે છે. જો આપણે નિયમો અનુસાર ચાલી રહ્યા છીએ અને ખોટા નથી, તો આપણે ડરવાની જરૂર નથી. પરંતુ દુર્ભાગ્યથી, ભારતમાં પોલીસનાં ભ્રષ્ટ હોવાના પણ ઘણા મામલાઓ સામે આવ્યા છે. આવા સમયમાં, એક વાહનચાલક તરીકે આપણે પોતાના અધિકારો જાણવા જોઈએ. અહીં અમે તમને વાહનની ચાવી કાઢવાથી લઈને બાજી બધા જરૂરી નિયમો વિષે જણાવશું. 

આ ડોક્યુમેન્ટ્સ સાથે રાખો 
અમૂક જરૂરી ડોક્યુમેન્ટ્સ છે જે હંમેશા તમારે વાહન ચલાવતા સમયે સાથે રાખવા જોઈએ. 

• Registration certificate (આરસી)
•  Pollution under control  (પીયૂસી)
•  Insurance document
•  Driving licence

આ નિયમો જાણી લેવા જરૂરી 

• પોલીસ અધિકારીએ હંમેશા યુનિફોર્મમાં હોવું જોઈએ અને જો તે યુનિફોર્મમાં ન હોય તો તમે તેમની પાસેથી ઓળખાણપત્ર માંગી શકો છો. જો ઓળખાણપત્ર ન આપે તો તમે પણ પોતાના ડોક્યુમેન્ટ્સ ન બાતાવો તો ચાલે. 
• જો તમારા પર દંડ ફટકારવામાં આવે છે, તો  ઓફિશિયલ રસીદ બુક અથવા ચલાન મશીનથી જ હોવું જોઈએ. જો કોઈ આવી રસીદ તમને મળતી નથી, તો તમે એક રીતે લાંચ આપી રહ્યા છો.
• જો ટ્રાફિક પોલીસ તમારા કોઇપણ ડોક્યુમેન્ટને જપ્ત કરવાનો નિર્ણય લે છે, તો તેની રસીદ પણ માંગો. 
• એક પોલીસ અધિકારી તમારી પરવાનગી વગર તમારી કારની ચાવી ન લઇ જઇ શકે. 
• જો તમે ગાડીની અંદર બેઠા છો, તો પોલીસ તમારા વાહનને ટો ન કરી શકે.