OMG / આ ગામમાં થાય છે ઝેરી સાપોની ખેતી, જાણો વિચિત્ર ખેતીવાળા આ ગામ વિશે

સાપ ઉછેરવાનું આ છે કારણ 
સાપના માંસ અને શરીરના અન્ય ભાગો માટે અહીં ખેતી કરવામાં આવે છે. સાપનું માંસ ચીનમાં શોખ ખાવામાં આવે છે. ઉપરાંત, સાપના શરીરના ભાગોનો ઉપયોગ દવાઓના ઉત્પાદનમાં પણ થાય છે.

આ રીતે થઇ શરૂઆત 
જિસિકિયાઓ ગામ સાપની ખેતીને કારણે આખી દુનિયામાં જાણીતું છે. જોકે પહેલા અહીં ચા અને કપાસની ખેતી કરવામાં આવતી હતી, આજે અહીં મુખ્ય કામ સાપની ખેતી છે

અહીંના લોકો ફાઇવ સ્ટેપ સાપથી ડરતા હોય છે

સ્થાનિકોને જે સાપથી સૌથી વધુ ડર છે તે  ફાઇવ સ્ટેપ સાપ છે. આ  ફાઇવ સ્ટેપના નામ પાછળ એક ખૂબ જ રસપ્રદ વાર્તા પણ છે. સામાન્ય લોકો માને છે કે આ સાપના ડંખ પછી વ્યક્તિ માત્ર પાંચ પગથિયા ચાલવા માટે સક્ષમ હોય છે અને બાદમાં તેનું મૃત્યુ થાય છે.

મીડિયા રિપોર્ટ્સ અનુસાર સાપને લાકડા અને કાચનાં નાના બોક્સમાં ઉછેરવામાં આવે છે. જ્યારે સાપ ઇંડામાંથી ઉગે છે, પ્લાસ્ટિકની થેલીના ઉપયોગથી તેમને એક જગ્યાએથી બીજી જગ્યાએ લઇ જવામાં આવે છે.

જ્યારે સાપ મોટા થાય છે, ત્યારે તેમને ફાર્મ હાઉસમાંથી બીજી તરફ લઈ જવામાં આવે છે, જ્યાં તેનું ઝેર  કાઢવામાં આવે છે અને પછી તેમના માથા કાપી નાખવામાં આવે છે. આ પછી, સાપ કાપીને તેનું માંસ બહારની બાજુ રાખવામાં આવે છે. ચામડું અલગથી સૂકવવામાં આવે છે.