પ્રોટીન, ફાઇબર, વિટામિન્સ જેવાં પોષક તત્ત્વોની જેમ આપણે ઓમેગા-૩ ફેટી એસિડનું નામ પણ સાંભળ્યું છે. આપણા શરીર માટે આ એસિડ પણ એટલું જ જરૂરી છે જેટલાં બાકીનાં તત્ત્વો.
શું છે ઓમેગા-3 ?
ઓમેગા-3નું મહત્વ શું છે?
શું છે ઓમેગા-૩ ફેટી એસિડ
આ એસિડને ગુડ ફેટ કહેવાય છે. ઓમેગા-૩ હૃદયની નસોમાં કોલેસ્ટ્રોલને ઘટાડવાનું કામ કરે છે, તેનાથી હાર્ટ સંબંધિત સમસ્યાઓ આવતી નથી. જ્યારે આપણા ભોજનમાં તેની માત્રા ઘટે છે ત્યારે શરીરમાં ઇન્ફ્લેમેશનની માત્રા વધવા લાગે છે, જે ઘણી બીમારી માટે જવાબદાર છે. આ એસિડ તમારા શરીરને એનર્જી આપવાની સાથે કેલરી પણ આપે છે. તમારા હ્રદય ઉપરાંત ફેફસાં અને ઇમ્યુનિટી જાળવી રાખવામાં કે વધારવામાં પણ મદદ કરે છે. હાડકાં, માંસપેશીઓ અને સાંધાના દુખાવાને ઘટાડવામાં પણ મદદ કરે છે. માઇન્ડને ફોકસ કરવા તેમજ તેજ બનાવવામાં પણ મદદ કરે છે અને કેન્સર જેવા જોખમને પણ ઘટાડે છે.
દિવસ દરમિયાન કેટલું ઓમેગા-૩ લેવું જરૂરી
એક સ્વસ્થ મહિલાએ રોજ લગભગ ૧.૧ ગ્રામ અને પુરુષે ૧.૬ ગ્રામનું સેવન કરવું જોઇએ. ઉદાહરણ તરીકે ૧૦૦ ગ્રામ અળસીનાં બીમાં તમને ૨૨.૮ ગ્રામ ઓમેગા-૩ મળે છે. તેથી તમારે રોજ ૧૦થી ૨૦ ગ્રામ અળસીનાં બીનું સેવન કરવું જોઇએ.
ઓમેગા-૩ની કમી પર આ સંકેત દેખાશે
ઓમેગા-૩ ત્વચામાં પોષણને અવશોષિત કરવામાં મદદ કરે છે, પરંતુ જ્યારે ગરમી હોય છે ત્યારે સ્કિન પર ડ્રાયનેસ રહે છે. નખ કાચા થઇને તૂટવા લાગે છે. ઊંઘ ના આવવાની સમસ્યા રહે છે. ઓક્સફર્ડ યુનિવિર્સટીના એક અભ્યાસ મુજબ જે લોકોમાં ઓમેગા-૩નું ઉચ્ચ સ્તર હોય છે તેઓ સારી ઊંઘનો અનુભવ કરે છે. શરીરમાં સોજો રહે છે અને પાચન સંબંધિત પરેશાની રહે છે.
આ છે ઓમેગા-૩થી ભરપૂર આહાર
અળસીનાં બી, અખરોટ, ચિયા સીડ્સ. કેનોલા સી-ફૂડ ઓઇલ, રાજમા, સોયાબીન ઓઇલ, ઇંડાં તેમજ દૂધ ઓમેગા-૩થી ભરપૂર આહાર છે. જો તમે સપ્લીમેન્ટ્સ કે ફિશ ઓઇલ ટેબ્લેટ લેવા ઇચ્છતા હો તો મેડિકલ એક્સ્પર્ટની સલાહ જરૂર લો.