ટ્રાવેલિંગ કરવુ લગભગ બધાને ગમતુ હોય છે, પરંતુ કેટલાક લોકોને સફર દરમિયાન આરોગ્ય સંબંધિત પરેશાનીઓ આવે છે. આ કારણે તેઓ સફર કરતા અચકાતા હોય છે. કેટલાકને ટ્રાવેલિંગ દરમિયાન ચક્કર આવવા, માથુ દુખવુ, ઉલ્ટી જેવું લાગવુ, ગભરામણ થવી જેવી પરેશાનીઓ થાય છે.
ટ્રાવેલિંગ દરમિયાન થતી આવી સમસ્યાઓ મોશન સિકનેસ કહેવાય છે. જો તમને પણ આવી પરેશાનીઓ થતી હોય તો કેટલીક બાબતોનું ધ્યાન રાખો અને તેને અનુસરો
- ટ્રાવેલિંગ દરમિયાન તમારા મોંમા નાનકડો આજુનો ટુકડો અથવા આ ફ્લેવરની કોઇ ટોફી રાખો. તેનાથી તમને ગભરામણની સમસ્યા નહીં થાય.
- તમે ઇચ્છો તો સફર દરમિયાન આદુ વાળી ચા પણ પી શકો છો. તેનાથી પણ ફાયદો થાય છે.
- જો તમે કારમાં સફર કરી રહ્યા હો તો પુસ્તકોથી દુર રહો, કેમકે ચાલુ ગાડીમાં પુસ્તકો વાંચવાથી આંખો તો ખરાબ થાય છે. સાથે સાથે માથુ પણ દુખે છે અને ચક્કર આવતા હોય તેવું લાગે છે. ચાલુ ગાડીમાં મોબાઇલના ઉપયોગથી પણ ચક્કર આવે કે માથુ ભારે લાગે તેવી સમસ્યા થઇ શકે છે.
- કેટલીક વસ્તુઓની સુગંધ પણ સફર દરમિયાન થતી પરેશાનીઓ દુર કરી શકે છે. તમે રુમાલ પર મિંટના તેલના ટીપા છાંટી લો અને વચ્ચે વચ્ચે તેને સુંઘતા રહો. તેનાથી તમારુ તન મન પ્રફુલ્લિત થશે. તમે ઇચ્છો તો મિંટ વાળી ચા પણ વચ્ચે વચ્ચે પી શકો છો તેનાથી પણ ફાયદો થશે.
- ટ્રાવેલિંગ માટે નીકળો તે પહેલા ખાણીપીણીનુ વિશેષ ધ્યાન રાખો. ભુખ્યા ન રહો અને વધુ પડતુ ખાઇને પણ ટ્રાવેલિંગ પર ન નીકળો. ચરબી અને તીખી-મસાલાવાળી વસ્તુઓ પચવામાં સમય લાગે છે. જો સફર દરમિયાન બેસી રહેવાનું હોય તો ઉલ્ટી કે જીવ ગભરાવવો જેવી તકલીફ થઇ શકે છે. તેથી હળવો ખોરાક લઇને ટ્રાવેલિંગ માટે તૈયાર થાવ.