જે લોકો લાઇફ ઇન્સ્યોરન્સ લેવાનું વિચારી રહ્યા છે તેમના માટે સારા સમાચાર છે. નવા વર્ષથી ટર્મ લાઇફ ઇન્સ્યોરન્સ પોલિસી ખરીદવી ખુબ જ આસાન બનવાની છે. વિમા નિયામક સંસ્થા IRDAIએ દરેક વિમા કંપનીઓને આવતા વર્ષ 1 જાન્યુઆરીથી સરળ વિમા યોજના લોન્ચ કરવાનું વિચારી રહ્યાં છે.
સરળ વિમા પોલીસીની જાણકારી
પોલિસી લીધા બાદ 45 દિવસમાં મળશે લાભ
સુસાઇડના કેસમાં નહી મળે લાભ
શું છે સરળ વિમા પોલિસી
સરળ જીવન વિમો સંપૂર્ણ રીતે ટર્મ લાઇફ ઇન્સ્યોરન્સ હશે. જેને 18થી 65 વર્ષના લોકો ખરીદી શકશે. ઇન્સ્યોરન્સ રેગ્યુલારીટી એન્ડ ડેવલપમેન્ટ ઓથોરિટી ઓફ ઇન્ડિયા દ્વારા આપવામાં આવેલ નિર્દેશો દ્વારા આ પોલિસીની અવધિ 4 વર્ષથી લઇને 40 વર્ષ સુધીની હશે. ગાઇડલાઇન્સ મુજબ તમે 5 લાખથી 25 લાખ સુધીની પોલિસી ખરીદી શકશો.
દરેક કંપનીની શરતો એક જ રહેશે
દરેક વિમા કંપનીઓના નિયમ અને શરતો એક જ જેવા રહેશે. આનો ફાયદો તે થશે કે ક્લેમ કરતી વખતે વિવાદની આશંકાઓ ખૂબ ઓછી થઇ જશે. ગ્રાહક પ્લાન લેતી વખતે બીજી કંપનીઓ સાથે તેની તુલના અવશ્ય કરે.
45 દિવસ જૂની પોલિસી પર મળશે સંપૂર્ણ કવર
જો પોલિસી લીધા બાદ 45 દિવસમાં પોલિસી ધારકનું મૃત્યુ થાય છે તો દુર્ઘટનામાં મૃત્યુ થયા સિવાય અન્ય કોઇ સ્થિતિમાં પૈસા મળશે નહી. આ વિમા અંતર્ગત ગ્રાહકોને કોઇ પણ મેચ્યોરીટી લાભ અને સરેન્ડર વેલ્યુ પણ નહી મળે.
સુસાઇડના કેસમાં નહી મળે લાભ
પોલિસીધારક આ વિમો ખરીદે અને બાદમાં સુસાઇડ કરે તો નોમિનીને ભરેલી રાશિ જેટલો ફાયદો મળશે તે સિવાય કોઇ પણ પ્રકારનો ફાયદો નહી મળે.
ત્રણ રીતે થઇ શકશે પેમેન્ટ
વિમા માટે તમે 3 રીતે પેમેન્ટ કરી શકો છો. સિંગલ પ્રિમિયમ કે જે 5-10ની અવધિ માટે લિમિટેડ કે પ્રિમિયમ પેમેન્ટ અથવા રેગ્યુલર લાઇફ લોન્ગ મંથલી પ્રિમિયમ ચુકવવાનો વિકલ્પ છે. કોઇ પણ વ્યક્તિ આ પોલિસી ખરીદી શકશે અને તેના માટે લિંગ, નિવાસ સ્થાન, શૈક્ષણિક યોગ્યતા અને વ્યવસાય વગેરેની કોઇ સીમા નહી હોય.