સ્વીટ્સ ખાવાનું કેટલાક લોકોને એટલું પસંદ હોય છે એ બસ બહાનું શોધે છે કે એમને સ્વીટ્સ ખાવા મળી જાય. કેટલાક લોકો જમ્યા બાદ સ્વીટ્સ ખાવાનું પસંદ કરે છે. પરંતુ શું તમે જાણો છો કે તમારા સ્વીટ્સ ખાવાની આદત તમને બીમાર કરી શકે છે. એનાથી ડાયાબિટીસ હાર્ટ સંબંધિત બિમારીઓ અને વજન વધી શકે છે. એવામાં તમારે સ્વીટ્સ ઓછું ખાવું જરૂરી છે.
જો તમે તમારા સ્વીટ્સ ખાવાની આદતથી પરેશાન છો અને એને છોડવા ઇચ્છો છો તો સૌથી પહેલા તમે આર્ટિફિશિયલ સ્વીટનર્સનું સેવન બંધ કરી દો. જે મીઠાઇઓમાં પ્રોસેસ્ડ શુગરનો ઉપયોગ કરવામાં આવ્યો છે એનું સેવન બિલકુલ પણ કરશો નહીં. એ સ્વાસ્થ્ય માટે ખૂબ હાનિકારક હોય છે.
ઘણી વખત કેટલાક લોકોને અચાનક સ્વીટ્સ ખાવાની ઇચ્છા થઇ જાય છે જેને ક્રેવિંગ કહે છે.જો તમને પણ આવી કોઇ ક્રેવિંગ છે તો સૌથી પહેલા એક ગ્લાસ પાણીનું સેવન કરી લો અને થોડા સમય સુધી રાહ જુઓ. આ ઉપરાંત જો તમને વારંવાર ભૂખ લાગી રહી છે તો કંઇક ખાવાની જગ્યાએ ખાવામાં પૌષ્ટિક આહાર લો. એનાથી તમને ભૂખ ઓછી લાગશે.
જો તમને થોડા થોડા સમય પર ભૂખ લાગે છે અને સ્વીટ્સ ખાવાની ઇચ્છા થાય છે તો એ વખતે સ્નેક્સ ખાવ. એનાથી સ્વીટ્સ ખાવાની આદત ઓછી થઇ જશે. નાની નાની ભૂખ માટે દરેક વખતે તમારી પાસે હેલ્ધી સ્નેક્સ રાખો.
ગળ્યું ખાવાથી આદત પર કાબૂ રાખવા માટે નાની નાની ચીજોથી શરૂઆત કરો. તમે ચા કોફીમાં ખાંડનો ઉપયોગ કરનવાનું બંધ કરી દો અથવા ખાંડ વગરની ચા કોફી પીવાની આદત પાડો.