લોન લીધા બાદ તમારે તેનો ઇએમઆઇ ચૂકવવો પડશે, જે મૂળ રૂપે મુખ્ય ચુકવણી અને માસિક વ્યાજના કુલ યોગ છે. લોકોનો મોટાભાગનો પગાર મુસાફરી ખર્ચ, ભાડા અને લોન ઇએમઆઈ પર જાય છે, તેથી તેમની પાસે અન્ય કંઈપણ માટે પૈસા નથી. આવી સ્થિતિમાં 'ઇએમઆઇ મુક્ત લોન' નામની નવી પ્રકારની લોન તમને મોટી રાહત આપી શકે છે.
ગ્રાહકોને આ સુવિધાથી મળશે મોટો ફાયદો
ઇએમઆઇ મુક્ત લોનથી મળશે રાહત
EMI- ફ્રી લોનમાં દર મહિને મુખ્ય રકમની ચુકવણી કરવાની જરૂરીયાત રહેતી નથી. જેમાં તમે મુખ્ય રકમની ચૂકવણી તમે પૈસા હોય તે રીતે દર ત્રણ મહિને, દર છ મહિને કરી શકો છો. આ લોન લેવા લેવા માટે તમારો મહિને પગાર ઓછામાં ઓછો 30 હજાર હોવો જોઇએ અને તમે લિમિટેડ અથવા પ્રાઇવેટ લિમિટેડ અથવા સરકારી કંપનીમાં કામ કરતા હોવા જોઇએ.
EMI-ફ્રી લોનના ફાયદા
1, લોન લેનારે દર મહિને માત્ર વ્યાજની રકમ અને દર છ મહિનામાં મુખ્ય રકમ ચૂકવવાની હોય છે. જો લોન લેનાર દર મહિને માત્ર વ્યાજ ચૂકવે છે, તો પછી પર્સનલ લોનની તુલનામાં પોકેટ પર ઓછો ભાર પડશે.
2, છ મહિના લોન લીધા પછી, લોન લેનાર પાસે લોન ક્લોઝ કરવાનો વિકલ્પ હોય છે. લોનના છ મહિના પૂરા થયા પછી, તેણે નિયત સમય પહેલા બંધ કરાવવા માટે કોઈ ચાર્જ ચૂકવવો પડતો નથી.
3, આ લોન 24 કલાકની અંદર પ્રાપ્ત થાય છે. સંપુર્ણ પ્રક્રિયા પેપરલેસ અને ઓટોમેટેડ છે. જેમાં કોઇ હિડન ચાર્જીસ અથવા પ્રી પેમેન્ટ ચાર્જીસ હોતા નથી.
4, આ રીતે લોન કેટલીક કંપનીઓ આપતી હોય છે. જેમાં લોન લેનારને મુખ્ય રકમને વધારવાનો અને ઘટાડવાનો વિકલ્પ મળતો હોય છે.