1972માં 5મી જૂને સ્ટોકહોમ ખાતે સમગ્ર વિશ્વના દેશોના પ્રતિનિધિઓ પર્યાવરણની જાળવણી માટે કટિબદ્ધ થવા એકઠા થયા. પર્યાવરણની જાળવણી માટે એક જાહેરનામું પણ બહાર પાડ્યું. એના ભાગરૂપે સંયુક્ત રાષ્ટ્રસંઘ દ્વારા 5મી જૂનનો દિવસ 'વિશ્વ પર્યાવરણ દિવસ' તરીકે ઉજવવાનું નક્કી કરવામાં આવ્યું.
જો આપણે જળવાયુ પરિવર્તનને રોકી ના શકીએ તો એની ગતિને ધીમી જરૂરથી કરી શકીએ છીએ. કેટલીક નવી શોધો આપણને આવું કરવા માટે તૈયાર કરે છે. 5 જૂને વિશ્વ પર્યાવરણ દિવસ આવ્યા પહેલા અમે તમને પર્યાવરણની એવી કેટલીક ચીજો માટે જણાવી રહ્યા છીએ. દુનિયામાં આ ઇનોવેશનથી પર્યાવરણને થતું નુકસાન ઓછું થઇ શકે છે અને ઊર્જા માટે નવા રસ્તા નિકળે છે.
આઇઆઇટી મદ્રાસથી નિકળેસી સ્ટાર્ટઅપ ટેન90 એ સોલર કોલ્ડ સ્ટોરેજ તૈયાર કર્યું છે. સોલરથી ચાલતું આ ડિવાઇસ ખેતરોમાં થતી બરબાદીને ઓછી કરે છે. 300 થી 500 કિલો ફળો, શાકભાજીઓ અને ડેરી પ્રોડક્ટ્સને ઠંડા ટેમ્પરેચરમાં રાખી શકે છે.
જર્મનીના લોકોએ પૈસા એકત્રિત કરીને બ્લૂ ફ્રીડની પાણીની પાઇપથી પાવર બનાવવાની સિસ્ટમને તૈયાર કરી છે. નગરપાલિકાની પાઇપોમાં ફ્લો થનારી પાણીથી ટ્યૂબ ટરબાઇન દ્વારા વિજળી પેદા કરી શકાય છે. આ કંપનીએ હલ્કા વજનનો હાઇડ્રોપ્લાન્ટ પણ બનાવ્યો છે, જેને ક્યાંય પણ લઇને જઇને ડિવાઇસને ચાર્જ કરી શકાય છે.
રૂટિન લાઇફમાં આપણે કાચની ઘણી બોટલોનો ઉપયોગ કરીને ફેંકી દઇએ છીએ. ન્યૂઝીલેન્ડની કંપની એક્સપ્લેકોએ એક મશીન બનાવ્યું છે, જેનાથી બોટલોને પીસીને રેતી જેવું બનાવી શકાય છે.
ફ્રાંસની કંપની વેટવેએ એક એવો રસ્તો બનાવ્યો છે જે વિજળી પેદા કરે છે. રસ્તા ઉપર ફોટોવોલ્ટિકનું એક લેયર પાથરવામાં આવ્યું છે, જેનાથી રિન્યૂબલ એનર્જી પેદા થાય છે. સાથે જ રસ્તા પર ગાડીઓ પણ ચાલતી રહે છે.
નોર્વેની એક કંપનીએ માટીને રેગિસ્તાન થતા બચાવવા માટે એક સ્પ્રે તૈયાર કર્યું છે. આ સ્પ્રેને લિક્વિડ નૈનોક્લે અને પાકી માટીથી તૈયાર કરવામાં આવ્યું છે. આ જમીનની અંદર પાણીને રોકી રાખવા માટે એક નેટવર્કને તૈયાર કરે છે. પછી સરળતાથી ઝાડ અથવા પાક લગાવી શકાય છે.
અમેરિકાની V-AIR કંપની 10 ફીટ ઊંચા હવાથી ચાલતું ટરબાઇન બનાવ્યા છે. આ માત્ર 14 કિમી પ્રતિ કલાકની ઝડપથી ચાલતી હવામાં વીજળી પેદા કરી શકે છે. સ્ટ્રીટલાઇટ માટે આ વધારે સારું છે.
અમેરિકાની ઓસિલા પાવરે એક એવું ડિવાઇસ બનાવ્યું છે, જે સમુદ્રની ગતિ ઊર્જાને ઇલેક્ટ્રિસિટીમાં બદલી નાંખે છે. એટલે કે સમુદ્રમાં એક કન્વર્ટર લગાવવામાં આવે છે, જે એનર્જીથી વિજળી બનાવે છે. ઘણા બધા કન્વર્ટર લગાવીને એક પાવર પ્લાન્ટ પણ બની શકે છે.
બાંગ્લાદેશના ઘણા ગામ એકબીજાને વિજળી વેચે છે. અહીંયા તમામના ત્યાં સોલર પેનલ લાગેલી છે, જે આપસમાં જોડાયેલી હોય છે.