વિચારણા / રોહિત શર્મા બાદ હવે KL રાહુલને વનડેમાં મળી શકે છે મોટી જવાબદારી, BCCI કરશે એલાન

• BCCI કેએલ રાહુલને મોટી જવાબદારી સોંપવાના મૂડમાં
• કેએલ રાહુલ વન-ડે ટીમના નવા વાઈસ કેપ્ટન બની શકે
• રાહુલે છેલ્લાં કેટલાંક વર્ષોમાં સારું પ્રદર્શન કર્યુ

કેએલ રાહુલને મળી શકે મોટી જવાબદારી

વિરાટ કોહલી હવે ફક્ત ભારતીય ટીમના ટેસ્ટના કેપ્ટન રહેશે. એટલેકે હવે લિમિટેડ ઓવર અને ટેસ્ટ બંનેના અલગ-અલગ કેપ્ટન બનાવી દીધા છે. આ દરમ્યાન બોર્ડ કેએલ રાહુલને મોટી જવાબદારી આપવા જઇ રહ્યાં છે. ઈનસાઈડ સ્પોર્ટસ અનુસાર, કેએલ રાહુલને વન-ડે ટીમના નવા વાઈસ કેપ્ટન બનાવવામાં આવી શકે છે. તેમને થોડા દિવસો પહેલાં ભારતીય ટીમના ટી-20 ફોર્મેટના વાઈસ કેપ્ટન બનાવવામાં આવ્યા હતા. બોર્ડના એક અધિકારીએ કહ્યું, કેએલ રાહુલ વન-ડે ટીમના આગામી વાઈસ કેપ્ટન હશે. કેએલ રાહુલે છેલ્લાં કેટલાંક વર્ષોમાં સારું પ્રદર્શન કર્યુ. તેમની પાસે 6-7 વર્ષનો સમય છે. તેમને આગામી કેપ્ટન બનાવવા માટે આ એક રસ્તો છે. તેમણે કહ્યું કે કેએલ રાહુલ રાહુલ દ્રવિડ સિવાય રોહિત શર્મા અને વિરાટ કોહલી પાસેથી ઘણુ બધુ શીખશે. સ્મરણ રહે કે ટીમને સાઉથ આફ્રિકામાં ત્રણ વન-ડે રમવાની છે. આ પ્રવાસ માટે ટીમ ટૂંક સમયમાં જાહેરાત કરવાની છે ત્યારે રાહુલના નામની જાહેરાત કરી શકાય છે. 

છેલ્લાં 2 વર્ષમાં કેએલ રાહુલનું ધારદાર પ્રદર્શન

કેએલ રાહુલનું પ્રદર્શન છેલ્લાં 2 વર્ષમાં વન-ડે મેચમાં આક્રમક રહ્યું છે. 1 જાન્યુઆરી 2020થી ભારતીય બેટ્સમેનોના વન-ડે રેકોર્ડને જોઈએ તો રાહુલે સૌથી વધુ 2 સદી લગાવી  છે. આ દરમ્યાન તેઓ સૌથી વધુ રન બનાવનારા બેટરોની યાદીમાં પ્રથમ નંબરે છે. તેમણે 12 ઈનિંગમાં 62ની સરેરાશથી 620 રન બનાવ્યાં છે. 2 સદી અને 4 અર્ધસદી ફટકારી છે. એટલેકે દરેક બીજી ઈનિંગમાં તેમણે 50થી વધુ રન બનાવ્યાં છે. આ દરમ્યાન વિરાટ કોહલીએ 560 અને રોહિત શર્માએ 6 ઈનિંગમાં 261 રન બનાવ્યાં છે.