બોલિવુડના એક્ટર સુનીલ શેટ્ટીની દિકરી આથિયા શેટ્ટી અને ટીમ ઇન્ડિયાના ખેલાડી કે.એલ.રાહુલ પોતાના રિલેશનશિપને લઇને ઘણી વખત ચર્ચામાં આવી ગયા છે. જોકે બંનેએ પોતાની રિલેશનશિપ અંગે કોઇ સત્તાવાર જાહેરાત કરી નથી.
જોકે તાજેતરમાં જ કે.એલ.રાહુલે પોતાના ઑફિશ્યલ સોશ્યલ મીડિયા પ્લેટફોર્મ ઇન્સ્ટાગ્રામ પર એક ફોટો પોસ્ટ કર્યો છે જેમાં તે આથિયા શેટ્ટી સાથે દેખાઇ રહ્યો છે.
કે.એલ.રાહુલ અને આથિયા શેટ્ટી આ ફોટોમાં એક ફોનબૂથમાં સાથે જોવા મળી રહ્યા છે. ક્રિકેટર કે.એલ.રાહુલે આ ફોટો શૅર કરતા લખ્યુ કે, ''હેલો, દેવી પ્રસાદ... '' તો બીજી તરફ ફોટોમાં જોઇ શકાય છે કે, આથિયા સ્માઇલ કરી રહી રહી છે અને રાહુલ ખૂબ જ સીરિયસ એક્સપ્રેશન આપી રહ્યો છે. ઉલ્લેખનીય છે કે,આ ડાયલોગ સુનીલ શેટ્ટી, અક્ષય કુમાર અને પરેશ રાવલની કૉમેડી ફિલ્મ 'હેરા ફેરી' નો છે.
કે.એલ.રાહુલ અને આથિયા શેટ્ટીના આ ફોટો પર લોકો સતત લાઇક્સ અને કમેન્ટ્સ કરીને પ્રતિક્રિયા આપી રહ્યા છે. આ પહેલી વખત નથી જ્યારે કે.એલ.રાહુલ અને આથિયા શેટ્ટીનો કોઇ ફોટો સોશ્યલ મીડિયા પર વાયરલ થયો હોય, આ પહેલા પણ કપલ ઘણી વખત એકસાથે જોવા મળ્યુ છે.
ઉલ્લેખનીય છે કે, આથિયા શેટ્ટીએ ફિલ્મ 'હીરો' થી બોલિવુડમાં ડેબ્યૂ કર્યુ હતું. આ ફિલ્મમાં તેની સાથે આદિત્ય પંચોલીનો દિકરો સૂરજ પંચોલી પણ લીડ રોલમાં જોવા મળ્યો હતો. આ ફિલ્મ માટે આથિયા શેટ્ટીને દાદા સાહેબ ફાળકે એક્સિલન્સ એવોર્ડ મળ્યો હતો. તાજેતરમાં જ આથિયા એક્ટર નવાઝુદ્દીન સિદ્દીકી સાથે 'મોતીચૂર ચકનાચૂર' માં જોવા મળી હતી.