IPL 2022 / મુંબઈ સામે શાનદાર જીત મેળવ્યા બાદ પણ લખનૌની ટીમને મોટો ઝટકો! કેપ્ટન રાહુલ સહિત આખી ટીમને દંડ, જાણો કેમ

• કેએલ રાહુલ પર લાગ્યો 24 લાખ રૂપિયાનો દંડ 
• નક્કી સમયમાં ઓવર પૂરી ન કરવા પર લાગ્યો દંડ 
• કેએલ રાહુલે બનાવ્યા 62 બોલ્સ પર 103 રન

લખનૌ સુપર જાયન્ટ્સનાં કેપ્ટન કેએલ રાહુલ IPLમાં પોતાની ટીમ માટે રનનો વરસાદ કરી રહ્યા છે. મુંબઈ ઇન્ડિયન્સ વિરુદ્ધ રાહુલે 62 બોલ્સ પર 103 રન બનાવ્યા. રાહુલની બેટિંગનાં દમ પર ટીમ મેચ જીતવામાં કામિયાબ રહી. પરંતુ છતાં પણ કેએલ રાહુલ અને તેમની ટીમને એક મોટા દંડનો સામનો આ મેચ બાદ કરવો પડ્યો છે. 

રાહુલ પર લાગ્યો દંડ 
લખનૌ સુપર જાયન્ટ્સનાં કેપ્ટન કેએલ રાહુલ પર મુંબઈ ઇન્ડિયન્સ સામે IPL મેચમાં ધીમી ઓવર ગતિ માટે 24 લાખ રૂપિયાનો દંડ લાગ્યો છે. આ સીઝનમાં આવું બીજી વાર બન્યું છે જ્યારે કેએલ રાહુલ પર ધીમી ઓવર ગતિ માટે દંડ લગાવવામાં આવ્યો હોય. પહેલી વાર તેમને 12 લાખનો દંડ થયો હતો. 

બીજી વાર થયો દંડ 
IPLએ જણાવ્યું છે કે કેએલ રાહુલ પર 24 લાખ રૂપિયાનો દંડ લગાવવામાં આવ્યો જ્યારે અંતિમ 11માં સામેલ અન્ય ખેલાડીઓ પર 6 લાખ રૂપિયા કે તેમની મેચની ફીસનાં 25 ટકાનો દંડ લગાવાયો છે. આમાં કહેવામાં આવ્યું છે કે આ આ સીઝનમાં બીજો અવસર છે જ્યારે ટીમએ IPLની આચાર સંહિતા હેઠળ નક્કી સમયમાં ઓવર પૂરી ન કરી. 

લખનૌની શાનદાર જીત 

कभाल, लाजवाब! @klrahul11 with back-to-back centuries to continue his fine form 🔥#AbApniBaariHai💪#IPL2022 🏆 #bhaukaalmachadenge #LucknowSuperGiants #TataIPL #LSG2022 pic.twitter.com/DMki1NbyZb

— Lucknow Super Giants (@LucknowIPL) April 25, 2022

લખનૌએ મુંબઈ ઇન્ડિયન્સને આ મેચમાં 36 રનથી માત આપી. તેમણે પહેલા બેટિંગ કરતા 20 ઓવરમાં 168 અં બનાવ્યા હતા. કેએલ રાહુલે સૌથી વધારે 103 રન બનાવ્યા હતા. 169 રનનો ટારગેટ લઈને ઉતરેલી ટીમ મુંબઈ ઇન્ડિયન્સ માત્ર 132 રન જ બનાવી શકી. આ મુંબઈની સતત 8મી હાર છે. મુંબઈ ઇન્ડિયન્સ વિરુદ્ધ કેએલ રાહુલે શાનદાર પ્રદર્શન કર્યું છે. આ સીઝનમાં કેએલ રાહુલે બીજી સદી ફટકારી હતી.