ક્રિકેટ / ફ્લૉપ ખેલાડીને મોકો આપવો ભારે પડશે! ટીમ સિલેક્શને વધાર્યું રોહિતનું ટેન્શન

• કેએલ રાહુલનું પ્રદર્શન એશિયા કપમાં રહ્યું છે ખરાબ 
• ટી20 વર્લ્ડ કપ માટે કેએલ રાહુલનું ફોર્મમાં આવવું જરુરી 
• મહીનાઓ બાદ ટીમમાં કરી હતી વાપસી 

ટી20 વર્લ્ડ કપ 2022 જેવી મોટી ટૂર્નામેન્ટ પહેલા ટીમ ઇન્ડિયાનાં કેપ્ટન રોહિત શર્મા માટે એક ખેલાડી મોટું ટેન્શન બની ગયો છે. આ ખેલાડી ગત અમુક સમયથી ખરાબ ફોર્મમાંથી પસાર થઇ રહ્યો છે, પરંતુ છતાં પણ આ ખેલાડીને ટીમમાં સામેલ કરવામા આવ્યો છે. આ ખેલાડી એશિયા કપ 2022માં પણ ટીમ ઇન્ડિયાની મોટી નબળાઇ સાબિત થયો હતો. આ ખેલાડીનું ફોર્મમાં આવવું કેપ્ટન રોહિત શર્મા માટે ખૂબ જ જરૂરી છે.  

ખરાબ ફોર્મથી ઝઝૂમી રહ્યો છે આ ખેલાડી 
ટી20 વર્લ્ડ કપ 2022 માટે ટીમ ઇન્ડિયામાં ઓપનર તરીકે કેપ્ટન રોહિત શર્માની સાથે સાથે કેએલ રાહુલને પણ સ્ક્વાડમાં સામેલ કરવામાં આવ્યો છે. કેએલ રાહુલનું હાલનું પ્રદર્શન ખૂબ જ ખરાબ રહ્યું છે, આવામાં ટી20 વર્લ્ડ કપ 2022 પહેલા કેએલ રાહુલનું ફોર્મમાં આવવું અત્યંત જરુરી છે. ટી20 વર્લ્ડ કપમાં પણ કેએલ રાહુલ ઓપનર તરીકે ટીમની પહેલી પસંદ રહેશે, પણ જો તેઓ ટીમને સારી શરુઆત અપાવવામાં નિષ્ફળ રહે છે, તો આ ટીમ માટે ભારે પડી શકે છે. 

એશિયા કપમાં બન્યા ટીમની નબળાઇ 
એશિયા કપ 2022માં કેએલ રાહુલનું પ્રદર્શન ઘણું ખરાબ રહ્યું હતું. આ ટુર્નામેન્ટમાં તેમણે માત્ર 5 મેચ રમી હતી, જેમાં તેમણે 26.40ની સરેરાશે 132 રન જ બનાવ્યા હતા. કેએલ રાહુલ એક જ મેચમાં 50 નો આંકડો પાર કરી શક્યા. કેએલ રાહુલનું આ ખરાબ ફોર્મ એશિયા કપ 2022માં ટીમને ભારે પડ્યું હતું. 

મહીનાઓ બાદ ટીમમાં કરી હતી વાપસી 
કેએલ રાહુલ આઇપીએલ 2022 બાદ ઇજાગ્રસ્ત થઇ ગયા હતા. તેમણે હાલમાં જ એશિયા કપ પહેલા ઝીમ્બાબ્વે સામે ટીમમાં વાપસી કરી હતી. એશિયા કપની તૈયારીઓને ઘ્યાનમાં રાખતાં કેએલ રાહુલ માટે આ સીરીઝ ખૂબ જ મહત્વની હતી, પરંતુ તેઓ આ સીરીઝમાં પણ બેટ્સમેન તરીકે ફ્લોપ રહ્યા હતા. આ સીરીઝમાં પણ તેમણે માત્ર 3 મેચોમાં 31 રન જ બનાવ્યા હતા. કેએલ રાહુલ ટી20 ક્રિકેટમાં ટીમ ઇન્ડિયાનાં સૌથી મહત્વનાં ખેલાડીઓમાંના એક છે, આવામાં તેમનું ફોર્મમાં આવવું ટીમ માટે ખૂબ જ જરુરી છે.