આ 57 રનની સાથે જ કેએલ રાહુલ T-20 ક્રિકેટ ઇતિહાસમાં સતત 2 હાફ સેન્ચુરી કરનારો પહેલો વિકેટકીપર બેટ્સમેન બની ગયો છે. અત્યાર સુધી કોઇ પણ વિકેટકીપર બેટ્સમેન આ કરી શક્યા નથી.
આ સાથે જ કેએલ રાહુલે ટીમ ઇન્ડિયાના પૂર્વ કેપ્ટન મહેન્દ્ર સિંહ ધોનીની બરાબરી કરી દીધી છે. T-20 ઇન્ટરનેશનલ ક્રિકેટમાં ટીમ ઇન્ડિયાના વિકેટકીપર તરીકે સૌથી ઝડપથી હાફ સેન્ચુરી કરવાના મામલામાં રાહુલ ધોનીની બરાબરી કરી દીધી છે. હવે બંને નામ પર વિકેટકીપર તરીકે 2 હાફ સેન્ચુરી છે જ્યારે રિષભ પંતના નામ પર એક છે.
ટીમ ઇન્ડિયાએ ન્યૂઝીલેન્ડને ઓકલેન્ડ ખાતેની બીજી T-20માં 7 વિકેટે હરાવ્યું છે. આ સાથે ટીમ ઇન્ડિયાએ 5 મેચની સીરિઝમાં 2-0ની લીડ મેળવી લીધી છે. તેમજ પહેલીવાર ન્યૂઝીલેન્ડ સામે સતત બે T-20માં જીત મેળવી છે. 133 રનનો પીછો કરતા ટીમ ઇન્ડિયાએ 17.3 ઓવરમાં ટાર્ગેટ ચેઝ કર્યો. કેએલ રાહુલે કરિયરની 11મી અને સીરિઝમાં સતત બીજી ફિફટી મારી. તે 57 રને અણનમ રહ્યો. તેણે શ્રેયસ ઐયર (44 રન) સાથે ત્રીજી વિકેટ માટે 86 રનની પાર્ટનરશિપ કરી. કિવિઝ માટે ટિમ સાઉથીએ 2 વિકેટ અને ઈશ સોઢીએ 1 વિકેટ લીધી હતી.