મનોરંજન / KL રાહુલ-આથિયા શેટ્ટીના આજે લગ્ન: મહેમાનોને મોબાઇલ લઇ જવા પર પ્રતિબંધ, જુઓ કેવી છે તૈયારી

• આથિયા શેટ્ટી અને કેએલ રાહુલ આજે લગ્નના બંધનમાં બંધાશે 
• શાનદાર રીતે યોજાઇ હતી સંગીત સેરેમની
• અર્જુન કપૂરે પણ પ્રસંગમાં આપી હાજરી 
• આજે આટલા વાગ્યે લેશે ફેરા 

મંડપ તૈયાર છે. લગ્નની તૈયારીઓ પણ થઈ ગઈ છે. આથિયા શેટ્ટી અને કેએલ રાહુલ આજે લગ્નના બંધનમાં બંધાવા જઈ રહ્યા છે. બંને 23મી જાન્યુઆરીએ એટલે કે આજે સાત ફેરા લઈને કાયમ માટે એકબીજાનો હાથ પકડવાના છે. જો કે આથિયા શેટ્ટી અને કેએલ રાહુલે લગ્ન પહેલા સંગીત ફંક્શનનું આયોજન થયું હતું અને હાલ તેની પહેલી ઝલક સામે આવી છે. 

શાનદાર રીતે યોજાઇ સંગીત સેરેમની
રવિવારે એટલે કે ગઇકાલે આથિયા શેટ્ટી અને કેએલ રાહુલનું સંગીત ફંક્શન યોજાયું હતું. આ સાથે જ તેની કોઈ તસવીરો સોશ્યલ મીડિયા પર વાયરલ નથી થઈ કારણ કે જો રિપોર્ટ્સનું માનીએ તો કપલે લગ્નમાં નો ફોન પોલિસી રાખી છે. એટલે કે કોઈપણ મહેમાનને ફોન લઈ જવાની મંજૂરી નથી. પણ લગ્ન સ્થળ પરથી કપલના સંગીત સેરેમનીનો એક વીડિયો હાલ સોશ્યલ મીડિયા પર વાયરલ થઈ રહ્યો છે. જણાવી દઈએ કે વીડિયોમાં સુનીલ શેટ્ટીના ખંડાલા બંગલાને રોશનીથી શણગારવામાં આવેલો જોવા મળ્યો અને અથિયા અને કેએલ રાહુલના લગ્ન સ્થળ પર મહેમાનોની હિલચાલ પણ જોવા મળી હતી, સાથે જ ત્યાં હાજર દરેક વ્યક્તિ ટ્રેડિશનલ કપડાંમાં નજર આવ્યા હતા. સોશ્યલ મીડિયા પર વાયરલ થયેલ આ વીડિયો કપલની સંગીત સેરેમનીનો જણાવવામાં આવી રહ્યો છે અને વીડિયોમાં મહેમાનો પણ ડાન્સ કરતા જોવા મળે છે. 

 

 

 

 

View this post on Instagram

 

 

 

 

 

 

 

 

 

 

 

A post shared by TAHIR JASUS007 (@tahirjasus)

અર્જુન કપૂરે પણ પ્રસંગમાં આપી હાજરી 
અથિયા અને કેએલ રાહુલના લગ્નમાં હાજરી આપવા માટે તમામ મહેમાનો લગ્ન સ્થળ પર પહોંચી ગયા છે. અને મહેમાનોની તસવીરો પણ સોશિયલ મીડિયા પર વાયરલ થઈ રહી છે. જણાવી દઈએ કે ફોટોગ્રાફર રોહન શ્રેષ્ઠા ઉપરાંત પંજાબી સિંગર અને એક્ટર ગિપ્પી ગ્રેવાલે પણ કપલના સંગીતમાં હાજરી આપી હતી. સાથે જ આ ફંક્શનમાં અર્જુન કપૂર પણ જોવા મળ્યો હતો. 

આજે આટલા વાગ્યે લેશે ફેરા 
જો રિપોર્ટ્સનું માનીએ તો આથિયા અને કેએલ રાહુલ આજે સાંજે 4 વાગ્યે પરિવાર અને નજીકના મિત્રોની હાજરીમાં સાત ફેરા લઈને લગ્ન કરશે. સાથે જ લગ્ન પછી આ કપલ સાંજે 6:30 વાગ્યે મીડિયા સામે આવશે. મળતી જાણકારી અનુસાર લગ્નમાં લગભગ 100 લોકો હાજરી આપશે. 

#sunilshetty briefs media on the wedding and said the couple will pose tomorrow#klrahul #athiyashetty pic.twitter.com/BZa1mM5dJU

— Viral Bhayani (@viralbhayani77) January 22, 2023

કઇંક આવી છે આથિયા શેટ્ટી અને કેએલ રાહુલની લવ સ્ટોરી
આથિયા શેટ્ટી અને કેએલ રાહુલની લવ સ્ટોરી કોઈ ફિલ્મી વાર્તા કરતાં ઓછી નથી, જો રિપોર્ટ પર વિશ્વાસ કરવામાં આવે તો એ બંનેએક કોમન ફ્રેન્ડ દ્વારા મળ્યા હતા અને પછી ધીરે ધીરે તેમની મિત્રતા પ્રેમમાં બદલાઈ ગઈ. ઘણા સમય સુધી આથિયા અને કેએલ રાહુલે તેમના સંબંધો છુપાવ્યા હતા પણ અથિયા અને કેએલ રાહુલે સુનીલ શેટ્ટીના પુત્ર અહાનની ડેબ્યુ ફિલ્મ 'ટડપ'ના સ્ક્રીનિંગમાં તેમના સંબંધને લોકો સામે લાવ્યા હતા અને  હવે બંને જીવનભર માટે એકબીજાનો સાથ નિભાવવાના બંધનમાં બંધાવવા જઈ રહ્યા છે.