રોહિત શર્મા અને લોકેશ રાહુલે વર્લ્ડ કપ ઇતિહાસમાં પાક. વિરુદ્ધ ઓપનિગં સદી નોંધાવનારી પાર્ટનરશિપ બનાવનારી પહેલી ભારતીય જોડી બનવાનું ગૌરવ હાંસલ કરી લીધું છે. રોહિત અને રાહુલે આઇસીસી વર્લ્ડકપ મેચમાં પાકિસ્તાવન વિરુદ્ધ રવિવારે પહેલી વિકેટ માટે 136 રન બનાવી આ ઉપલબ્ધી હાંસલ કરી છે. બંને આ સાથે જ ભારતને મજબુત શરૂઆત પણ અપાવી.
ડાબા હાથના ઓપનર શિખર ધવનની ઇજાને કરાણે રાહુલને ઓપનિંગમાં ઉતારવાની તક મળી હતી. આ તકનો પૂરે પૂરો લાભ ઉઠાવતા રાહુલે વર્લ્ડ કપમાં પોતાની પહેલી અર્ધસદી નોંધાવી. રાહુલે 57 રન બનાવી આ પાર્ટનરશિપમાં રોહિત શર્માનું યોગદાન 75 રન રહ્યું હતું.
પાકિસ્તાન વિરુદ્ધ વર્લ્ડ કપ 2019માં કોઇ ભારતીય ઓપનિંગ જોડીએ સદી નોંધાવતા પાર્ટનરશિપ બનાવી છે. વર્લ્ડ કપમાં પાકિસ્તાન વિરુદ્ધ ઓપનિંગ સદી નોંધાવતા ભાગીદારીનો આ છઠ્ઠો મામલો છે.
વિન્ડીઝના ગાર્ડન ગ્રીનિજ અને ડેસમન્ડ હેન્સે 1979માં ઓવલમાં પાકિસ્તાન વિરુદ્ધ ઓપનિંગ ભાગીદારીમાં 132 રન બનાવ્યા હતા. જ્યારે ઇંગ્લેન્ડના ગ્રીમ ફોલર અને ક્રિસ તવારેએ 1983ના વર્લ્ડ કપમાં પાકિસ્તાન વિરુદ્ધ માનચેસ્ટરમાં 115 રનની ઓપનીંગ પાર્ટનરશિપ નોંધાવી હતી.