સ્પોર્ટ્સ / ફ્રેંચાઇઝી ખુશઃ કિવી ખેલાડી IPLની મેચ રમવા UAE આવશે, ઇંગ્લેન્ડના ખેલાડીઓ પર પ્રશ્નાર્થ

• IPL રસિકો માટે સારા સમાચાર 
• ન્યૂઝીલેન્ડના ખેલાડીઓ રમી શકશે
• ઇંગ્લેન્ડના ખેલાડીઓ પર પ્રશ્નાર્થ 

અહેવાલો અનુસાર એક ફ્રેંચાઇઝીએ આ વાતની પુષ્ટિ પણ કરતાં જણાવ્યું કે અલગ અલગ ટીમ તરફથી રમતા આઠ ખેલાડી વિન્ડો દરમિયાન ઉપલબ્ધ રહેશે. IPLની બાકી 31 મેચ 19 સપ્ટેમ્બરથી 15 ઓક્ટોબર દરમિયાન યુએઈમાં રમાવાની છે.

IPLમાં   કેન વિલિયમ્સન, ટ્રેન્ટ બોલ્ટ, કાઇલ જેમિસન અને મિચેલ સેન્ટર જેવા આઠ મહત્ત્વપૂર્ણ ખેલાડી રમે છે, જોકે આ દરમિયાન ન્યૂઝીલેન્ડને પાકિસ્તાન સામે શ્રેણી પણ રમવાની છે. આ સ્થિતિમાં કેટલાક કિવી ખેલાડીઓ IPLમાં રમી નહીં શકે. 

ફ્રેંચાઇઝીના એક અધિકારીએ જણાવ્યું કે ન્યૂઝીલેન્ડના ખેલાડી યુએઈ આવવાના હોવાથી અમને ઘણી રાહત મળી છે. બીસીસીઆઇ હાલ ઈંગ્લેન્ડ અને ઓસ્ટ્રેલિયન ક્રિકેટ બોર્ડ સાથે વાત કરી રહી છે. આ બંને બોર્ડનું કહેવું છે કે એપ્રિલ-મે IPL માટે રિઝર્વ છે. આ સ્થિતિમાં દરેક વખતે અમારા ખેલાડી ઉપલબ્ધ હોઈ શકે છે, જોકે આ બંને ક્રિકેટ બોર્ડની વાત પણ વાજબી છે, તેમને વિરોધ કરવાનો હક છે, પરંતુ અમને કિવી ખેલાડીઓએ હા પાડી દીધી છે.

ઉલ્લેખનીય છે કે કેન વિલિયમ્સન સનરાઇઝર્સ હૈદરાબાદનો કેપ્ટન છે, જ્યારે બોલ્ટ મુંબઈ ઇન્ડિયન્સના ફાસ્ટ બોલિંગ આક્રમણનો મહત્ત્વપૂર્ણ હિસ્સો છે. જેમિસનનું વર્તમાન ફોર્મ જોતાં આરસીબીને ઘણો ફાયદો થઈ શકે છે. આ ખેલાડીઓ જો યુએઈમાં હાજર ના રહે તો ઘણી ટીમનું કોમ્બિનેશન ખોરવાઈ જાત.

ઈંગ્લેન્ડ ક્રિકેટ બોર્ડ (ઇસીબી)એ પહેલાંથી જ પોતાના ખેલાડીઓને IPLની બાકી 31 મેચ માટે મોકલવાનો ઇનકાર કરી દીધો છે. ક્રિકેટ ઓસ્ટ્રેલિયા જોકે હજુ આ અંગે કંઈ કહેવાથી બચી રહ્યું છે. મીડિયા રિપોર્ટ્સના જણાવ્યા અનુસાર કમિન્સ યુએઈ આવવાના માટે પહેલાંથી જ ઇનકાર ચૂક્યો છે. આ ઉપરાંત ઓસ્ટ્રેલિયાના લિમિટેડ ઓવરના કેપ્ટન એરોન ફિંચે પણ ઘણા ખેલાડીઓના IPLમાં નહીં રમવા અંગે સંકેત આપ્યા હતા. તેણે કહ્યું હતું, ''અમારું આગામી શેડ્યૂલ ઘણું થકાવી દેનારું છે. આ સ્થિતિમાં ઓસ્ટ્રેલિયન ખેલાડી IPLની બાકી મેચમાં નહીં રમી શકે.