ઉત્તરાયણના પર્વને હવે ગણતરીના દિવસો બાકી રહ્યા છે ત્યારે પતંગ ઉત્સવના આ પર્વને ઉજવવા લોકોએ તૈયારીઓ શરૂ કરી દીધી છે. ત્યારે અમદાવાદ પોલીસે અગત્યનું જાહેરનામું બહાર પાડ્યું છે.
ઉત્તરાયણને લઈને પોલીસ કમિશનરનું જાહેરનામું
ચાઇનીઝ દોરી અને ટુક્કલ પર પ્રતિબંધ
જાહેરનામું ભંગ કરનાર સામે કાર્યવાહી
અમદાવાદ પોલીસનું જાહેરનામું
ઉત્તરાયણના પર્વને હવે ગણતરીના દિવસો બાકી રહ્યા છે ત્યારે પતંગ ઉત્સવના આ પર્વને ઉજવવા લોકોએ તૈયારીઓ શરૂ કરી દીધી છે. પતંગ અને માંજાની ખરીદી કરવા લોકો બજારોમાં જોવા મળી રહ્યા છે.ત્યારે અમદાવાદ પોલીસ દ્વારા નાગરિકો માટે અને વેપારીઓ માટે જાહેરનામું બહાર પાડવામાં આવ્યું છે.
જાણો શું મુકાયા પ્રતિબંધ
આ જાહેરનામા મુજબ,ચાઇનીઝ દોરી, સિન્થેટિક દોરી, નાયલોન દોરીના વેચાણ અને વપરાશ પર પ્રતિબંધ લાગુ કરવામાં આવ્યો છે. તો આ સાથે જ ચાઈનીઝ તુક્કલના વેચાણ પર પણ પ્રતિબંધ મુકવામાં આવ્યો છે. જે વ્યક્તિ કે વેપારી આ જાહેરાનામાનો ભંગ કરશે તો તેમની સાથે કાર્યવાહી થશે. આ સાથે જ જાહેરનામા મુજબ જાહેરમાં ઘાસ નાખવા અને જાહેરમાં પતંગ ઉડાવવા પર કાર્યવાહી થશે
જાહેર માર્ગ પર પતંગ ઉડાવતાં પકડાશો તો ગયા સમજો
અમદાવાદ શહેર પોલીસ કમિશનર સંજય શ્રીવાસ્તવે જાહેરનામુ બહાર પાડતા જણાવ્યુ છે કે, જાહેર માર્ગ પર પતંગ ઉડાવતાં અથવા પકડતા લોકો પર ગુનો દાખલ કરવામાં આવશે. ઉત્તરાયણ નિમિત્તે કેટલાક લોકો જાહેર રસ્તાઓ પર પતંગ ઉડાવતા અથવા પકડતાં જોવા મળે છે. કેટલીક વાર આવા લોકો જાહેર માર્ગ પર પતંગ પકડવામાં અથવા ઉડાવવામાં એટલા મંત્રમુગ્ધ થઈ જાય છે કે, તેમને આસપાસનુ કંઈ ધ્યાન પણ નથી રહેતુ. જેથી માર્ગ પર અકસ્માતો પણ સર્જાય છે. આવા અકસ્માતોના પ્રમાણ ઘટાડવા પોલીસે જાહેરનામુ બહાર પાડ્યુ છે.
દોરી રંગાવવાના ભાવમાં 60 ટકાનો ઉછાળોટ
અહીં ઉલ્લેખનિય છે ઉત્તરાયણના પર્વને ધામધૂમ પૂર્વ ઉજવવામાં આવતો હોય છે રાજ્યના અનેક શહેરોમાં લોકો આખો દિવસ પતંગ ઉત્સવના પર્વને ધામધૂમ પૂર્વક ઉજવે છે, અહીં એ પણ મહત્વનું છે કે આ દિવસની મહિલાઓ પહેલા જ તૈયારીઓ શરૂ થઈ જતી હોય છે. ત્યારે કોરોનાકાળ વચ્ચે પણ અમદવાદમાં ઉત્તરાયણના તહેવારની તડામાર તૈયારીઓ શરૂ થઈ ગઈ છે. જેમાં પતંગ-રસીકો પણ ભારે ઉત્સુક જોવા મળી રહ્યા છે. પરંતુ કોરોનાનુ ગ્રહણ ઉત્તરાયણ પર પણ આ વર્ષે પડ્યુ છે. અમદાવાદમાં પતંગ-દોરીનો વેપાર કરવા આવતાં યુપીના વેપારીઓ જે દર વર્ષે 2-3 માસ અગાઉ આવતા હતા તેઓએ આ વખતની ઉત્તરાયણમાં માત્ર 1 મહિના પહેલા જ આવવાનુ પસંદ કર્યુ હતુ.
પતંગરસિકો ઉતરાયણના પર્વને લઇ ઉત્સુક
આપને જણાવી દઈએ કે અમદાવાદ-યુપી વચ્ચે ઉત્તરાયણને લઈ એક ખાસ સંબધ જોવા મળે છે. જેમાં યુપીના રાયબરેલી, આગ્રા, લખનઉથી લગભગ 200 જેટલા પરિવારો છેલ્લા 30 વર્ષથી દોરી-પતંગના વેપાર માટે અમદાવાદમાં આવે છે. જેઓ દર વર્ષે 2-3 મહિના અગાઉ જ અમદાવાદ ખાતે પહોંચી આવતાં હોય છે, પરંતુ આ કોરોનાને પગલે આ વર્ષે તેમને માત્ર એક મહિના અગાઉ આવવાનુ પસંદ કર્યુ હતુ. કોરોનાની સ્થિતીને લઈ દોરીને રંગાવાના ભાવમાં પણ વધારો જોવા મળી રહ્યો છે. દોરી રંગાવવાના ભાવમાં આ વર્ષે લગભગ 60 ટકાનો વધારો જોવા મળી રહ્યો છે. જેમાં 1 હજાર વાર દોરી રંગવવાના રૂપિયા 60, 5 હજાર વારના રૂપિયા 300 તથા 10 હજાર વાર દોરી રંગવાના 600 રૂપિયા સુધીનો ભાવ બોલાઈ રહ્યો છે.
1090 રીલ ચાઈનીઝ દોરીનો જથ્થા સાથે આરોપીઑ પોલીસ જાપ્તામાં
અમદાવાદ ગ્રામ્ય એસઓજી ની ટીમે ધોળકા ટાઉન પોલીસ સ્ટેશન વિસ્તાર માં દીપક રાણા નામનાં આરોપી 302 નગ ચાઇનીઝ દોરી ના જથ્થા સાથે ઝડપી પાડયો છે.. અને દસ્ક્રોઇ તાલુકાના કાશીન્દ્રા ગામ નજીક આવેલ ગ્રીન સોસાયટી પાસે આરોપી ઉત્તમ ઠાકોર અને ધરમ ભાઈ ઠાકોર ચાઈનીઝ દોરીના 1090 રીલ નો જથ્થો લઈને સપ્લાય કરતા હતા તે જ સમયે ગ્રામ્ય એસઓજીની ટીમે આરોપીઓને ઝડપી પાડી તમામ મુદ્દામાલ જપ્ત કરી દીધો હતો.
ઓછી મૂડીમાં વધુ નફાની લાલચ
આરોપીઓની ધરપકડ બાદ પૂછપરછ કરતા ત્રણેય આરોપીઓ છેલ્લા ઘણા સમયથી સીઝનેબલ વેપાર સાથે સંકળાયેલા છે.ઓછી મૂડીમાં વધુ નફો કમાવવાના હેતુથી આરોપીઓ આ ચાઇનીઝ દોરીનો જથ્થો લાવ્યા હતા.એટલું જ નહીં પકડાયેલા ત્રણેય આરોપીઓ હોલસેલમાં પણ ચાઈનીઝ દોરી નું વેચાણ કરતા હતા.જોકે હાલ તો પોલીસે આરોપીઓની ધરપકડ કરી 7 લાખથી વધુ કિંમતનો મુદ્દામાલ જપ્ત કરી લીધો છે.