રાજ્યમાં હાલમાં ઉત્તરાયણનો પર્વને લઇને રાજ્યમાં હાલ અમદાવાદ, રાજકોટ અને વડોદરા ખાતે આંતરરાષ્ટ્રીય પતંગ મહોત્સવ ચાલી રહ્યો છે. ત્યારે આજથી કેવડીયા ખાતે સ્ટેચ્યુ ઓફ યુનિટી પરિસરમાં આંતરરાષ્ટ્રીય પતંગ મહોત્સવનો પ્રારંભ થઇ રહ્યો છે.
સ્ટેચ્યુ ઓફ યુનિટીમાં આજથી પતંગોત્સવની શરૂઆત
વન-પર્યાવરણ સચિવ રાજીવ ગુપ્તાના હસ્તે પ્રારંભ
15 દેશના 89 પતંગબાજો ભાગ લેશે
આજથી કેવડીયા સ્ટેચ્યુ ઓફ યુનિટી પરિસર આંતરરાષ્ટ્રીય પતંગ મહોત્સવમાં રંગબેરંગી વૈશ્વિક પતંગોથી આકાશ ભરાશે. આંતરરાષ્ટ્રીય પતંગમહોત્સવ ઉજવવા પતંગ રસિયાઓમાં ભારે ઉત્સાહ જોવા મળી રહ્યો છે.
આ પતંગોત્સવમાં વિવિધ 16 દેશના આંતરરાષ્ટ્રીયકક્ષાના 50 અને ભારતના વિવિધ 8 રાજ્યોના 39 અને ગુજરાતના 37 સહિત કુલ- 126 પતંગબાજો ભાગ લેશે. સ્ટેચ્યુ ઓફ યુનિટી પાસે ,લીમડી હેલીપેડ ગ્રાઉન્ડ ખાતે ગુજરાતના વન અને પર્યાવરણ વિભાગના અધિક મુખ્ય સચિવશ્રી અને સરદાર સરોવર નર્મદાનિગમ લિ.ના મેનેજીંગ ડિરેક્ટર ડૉ.રાજીવકુમાર ગુપ્તાએ પતંગ મહોત્સવનું ઉદઘાટન કર્યું છે.
ઉલ્લેખનીય છે કે રાજ્યમાં અમદાવાદ, રાજકોટ અને વડોદરા ખાતે આંતરરાષ્ટ્રીય પતંગ મહોત્સવનું આયોજન કરવામાં આવ્યું છે. જેને લઇને વડોદરા શહેરની વાત કરીએ તો નવલખી મેદાનમાં આંતરરાષ્ટ્રીય પતંગ મહોત્સવનું આયોજન કરાયું છે. વડોદરા ખાતે વિધાનસભાના સ્પીકર રાજેન્દ્ર ત્રિવેદીના હસ્તે પતંગ મહોત્સવનું ઉદ્ધાટન કર્યું હતું.
જ્યારે રાજકોટ ખાતે 2020 આંતરરાષ્ટ્રીય પતંગોત્સવ આયોજન કરવામાં આવ્યું છે. રાજકોટમાં રેસકોર્સ ખાતે આંતરરાષ્ટ્રીય પતંગ મહોત્સવનું આયોજન કરાયું છે.
જ્યારે અમદાવાદ ખાતે 7મી તારખથી મુખ્યમંત્રી વિજય રૂપાણીના હસ્તે સાબરમતી રિવરફ્રન્ટ પર આંતરરાષ્ટ્રીય પતંગ મહોત્સવ ખુલ્લો મુકવામાં આવ્યો હતો. સાબરમતી રિવરફ્રંટ ખાતે 14 જાન્યુઆરી સુધી પતંગોત્સવ યોજાશે. જેમાં 43 દેશોના 153 પતંગબાજો સ્પર્ધામાં ભાગ લઇ રહ્યાં છે.