આસ્થા / કષ્ટભંજન દાદાને આજે પતંગનો શણગાર, સિદ્ધિવિનાયક મંદિરમાં બાળકોને પ્રસાદીમાં અપાઈ ફીરકી, કરો જુદા જુદા મંદિરોના દર્શન

• અમદાવાદના જગન્નાથ મંદિરમાં વહેલી સવારથી દર્શનાર્થીઓની લાંબી લાઈન
• બોટાદના સારંગપુરમાં હનુમાનજીના વિશેષ શણગાર
• સિદ્ધિવિનાયક મંદિરમાં 1100 પતંગ- ફિરકીનો શણગાર

ગુજરાતભરમાં આજે મકરસંક્રાતિ (ઉત્તરાયણ) ની હર્ષોઉલ્લાસથી ઉજવણી કરવામાં આવી રહી છે. ચારે તરફ પતંગરસિયાઓ સવારથી જ પતંગ ચગાવવા સહપરિવાર સાથે ધાબે ચડી ગયા છે. અમદાવાદમાં પણ લોકો ઉત્તરાયણની ઉત્સાહભેર ઉજવણી કરી રહ્યા છે. લોકો પતંગ ચગાવી રહ્યા છે સાથે 'કાઇ પો છે..' અને 'લપેટ' જેવા શબ્દોથી અમદાવાદની પોળો ગુંજી ઉઠી છે. બીજી બાજુ અમદાવાદના જગન્નાથ મંદિરમાં વહેલી સવારથી દર્શનાર્થીઓની લાંબી લાઈન લાગી છે. 

Union Home Minister Amit Shah offered prayers at Shree Jagannath Temple in Ahmedabad, Gujarat today.#amitshah #Uttarayan2023 #vtvgujarati pic.twitter.com/rj1eS7Nc5k

— VTV Gujarati News and Beyond (@VtvGujarati) January 14, 2023

જગન્નાથ મંદિરમાં દર્શનાર્થીઓની ભીડ
આજે મકરસંક્રાંતિના પર્વ પર અમદાવાદના જગન્નાથ મંદિરમાં વહેલી સવારથી દર્શનાર્થીઓની લાગી લાઈન લાગી છે. જણાવી દઈએ કે આજે ભગવાન જગન્નાથનો વિશેષ શણગાર કરાયો છે. ભગવાન જગન્નાથજીને આજે સોનાનો શણગાર કરાયો છે. બહેન શુભદ્રા અને ભાઈ બલરામને પણ સોનાનો શણગાર કરાયો છે. દાન-પુણ્ય કરવા માટે ખૂબ મોટી સંખ્યામાં શહેરીજનો આજે ભગવાન જગન્નાથજીના મંદિરે પહોંચ્યા છે.

બોટાદના સારંગપુરમાં હનુમાનજીના વિશેષ શણગાર
આ સિવાય મકરસંક્રાંતિના ખાસ પર્વ નિમિતે બોટાદના સારંગપુરમાં હનુમાનજી વિશેષ શણગાર કરવામાં આવ્યા છે. પતંગોના આ પર્વમાં બોટાદના સારંગપુરમાં હનુમાનજીના સિંહાસનને પતંગોથી દિવ્ય શણગાર સજાવવામાં આવ્યું છે અને એ સાથે ચીકી, મમરાના લાડુ, તલના લાડુ સહિતનો ભોગ ધરાવાયો હતો. રંગબેરંગી પતંગોથી દાદાનું સિંહાસન ઝળહળી ઉઠ્યું છે. જણાવી દઈએ કે મકરસંક્રાતિના પાવન પર્વ પર મોટી સંખ્યામાં લોકો દર્શન કરીને હનુમાનદાદાનો આશીર્વાદ લેવા માટે ઉમટ્યા છે અને આ સાથે જ ત્યાંઆ પરંપરા પ્રમાણે ગૌશાળામાં ગાયોની પણ પૂજા અર્ચના કરવામાં આવી છે. 

મહેમદાવાદ પવિત્ર વાત્રક નદી કિનારે આવેલા સિદ્ધિવિનાયક મંદિરમાં 1100 પતંગ અને ફિરકીનો કરાયો અદભુત શણગાર, અહીં દર્શનાર્થીઓના બાળકોને પ્રસાદ સ્વરૂપે અપાય છે ફિરકી#mahemdabad #sidhhivinayak #ganpati #vtvgujarati pic.twitter.com/iLUUBkMr85

— VTV Gujarati News and Beyond (@VtvGujarati) January 14, 2023

સિદ્ધિવિનાયક મંદિરમાં 1100 પતંગ- ફિરકીનો શણગાર
મહેમદાવાદની પવિત્ર વાત્રક નદી કિનારે આવેલ સિદ્ધિવિનાયક દેવસ્થાન પર 1100 પતંગ- ફિરકીનો શણગાર કરવામાં આવ્યો છે. ભગવાન ગજાનંદના મંદિર પરિસરમાં 1100 પતંગ- ફીરકી શણગારાઈ છે અને  મોટી સંખ્યામાં લોકો દર્શન કરવા માટે ઉમટી પડ્યા છે. સિદ્ધિવિનાયક મંદિરમાં 1 હજાર 100 પતંગની ફિરકીનો શણગાર કરવામાં આવ્યો છે અને આ સાથે દર્શનાર્થીઓ તરીકે ત્યાં આવતા બાળકોને પ્રસાદ સ્વરૂપે અપાય છે ફિરકી પણ આપી રહી છે. 

श्री सोमनाथ महादेव मंदिर,
प्रथम ज्योतिर्लिंग - गुजरात (सौराष्ट्र)
दिनांकः 14 जनवरी 2023, पौष कृष्ण सप्तमी - शनिवार
मध्याह्न शृंगार
01230197 pic.twitter.com/5Lpb71spF7

— Shree Somnath Temple (@Somnath_Temple) January 14, 2023

સોમનાથ મહાદેવ મંદિરમાં વિશેષ દર્શન 
ભગવાન શિવના 12 પવિત્ર જ્યોતિર્લિંગમાનું પ્રથમ જ્યોતિર્લિગ સોમનાથમાં પણ મકરસંક્રાંતિણઆ પર્વ પર મહાદેવના વિશેષ શણગાર કરવામાં આવ્યો છે. 

આજના મકર સંક્રાંતિ ના દર્શન 🚩
પોષ વદ સાતમ. શનિવાર.
તા. 14/01/2023.
જય માતાજી 🙏🏻 pic.twitter.com/8qZHOERRqt

— શ્રી ચામુંડા માતાજી મંદિર - ચોટીલા (@ChotilaTemple) January 14, 2023

શ્રી ચામુંડા માતાજી મંદિર પતંગોનો શણગાર 
આ સિવાય મકરસંક્રાંતિના ખાસ પર્વ નિમિતે  રાજકોટ પાસે આવેલ ચોટીલાના ચામુંડા માતાજીનો પણ પતંગો દ્વારા વિશેષ શણગાર કરવામાં આવ્યો છે. મકરસંક્રાતિના પાવન પર્વ પર મોટી સંખ્યામાં લોકો દર્શન કરીને માતાજીનો આશીર્વાદ મેળવવા માટે પંહોચ્યાં છે. 

श्री भालका तीर्थ (कृष्ण धाम), प्रभासक्षेत्र - गुजरात (सौराष्ट्र)
दिनांकः 14 जनवरी 2023, पौष कृष्ण सप्तमी - शनिवार
मध्याह्न शृंगार
01230195 pic.twitter.com/caxb4rtiEs

— Shree Somnath Temple (@Somnath_Temple) January 14, 2023

શ્રી ભાલકા તીર્થ મંદિરમાં વિશેષ દર્શન 
સોમનાથ મંદિરથી 4 કિલોમીટર દૂર આવેલ ભાલકા તીર્થ મંદિરમાં પણ પતંગોનો વિશેષ શણગાર કરવામાં આવ્યો છે.