તમારા કામનું / ઘરના રસોડામાં ક્યારેય ભૂલથી પણ ન ખૂટવા દો આ વસ્તુઓ, નહીં તો સુખ-શાંતિ જતા વાર નહીં લાગે

• ઘરમાં ક્યારેય ખાલી ન થવા દો આ વસ્તુઓ 
• નકારાત્મક ઉર્જાનો થશે સંચાર 
• ઘરમાંથી જતી રહેશે પોઝિટિવ એનર્જી 

ઘરના વાસ્તુમાં રસોડું સૌથી મહત્વનું સ્થાન ધરાવે છે. અહીં ઘરમાં સુખ-સમૃદ્ધિ, શાંતિ અને સુખનો વાસ રહે છે. અહીં એવી ઘણી વસ્તુઓ છે, જેને ઘરની બરકત અને માતા અન્નપૂર્ણાનું સ્વરૂપ પણ માનવામાં આવે છે. એટલા માટે રસોડામાં કેટલીક વસ્તુઓ ક્યારેય ખતમ ન થવી જોઈએ. 

આવું થવા પર ઘરમાંથી સુખ-શાંતિ દૂર થઈ જાય છે અને ગરીબી આવવા લાગે છે. મા લક્ષ્મી ગુસ્સે થાય છે. જેના કારણે આપણે આર્થિક સંકટનો સામનો કરવો પડે છે. આવો જાણીએ કઈ એવી વસ્તુઓ છે. જેને રસોડામાંથી ક્યારેય પણ સંપૂર્ણપણે ખતમ ન કરવી જોઈએ.

મીઠું
રસોડામાં મીઠાનો ડબ્બો ક્યારેય ખાલી ન રાખવી જોઈએ. જ્યોતિષશાસ્ત્રમાં મીઠાને રાહુનું પ્રતીક માનવામાં આવે છે. રસોડામાં મીઠું ખતમ થવાથી રાહુની ખરાબ નજર ઘર પર પડે છે. જેના કારણે કામ બગડવા લાગે છે અને તમારે આર્થિક સંકટનો સામનો કરવો પડે છે. એક બીજી વાત ધ્યાનમાં રાખો કે ક્યારેય બીજાના ઘરેથી મીઠું ન માંગો, આમ કરવાથી તમારા પોતાના ઘરનો ભંડાર હંમેશા માટે ખાલી થઈ જશે. 

સરસવનું તેલ
ઘણીવાર એવું જોવા મળે છે કે જ્યાં સુધી રસોડામાં તેલ ખતમ ન થાય ત્યાં સુધી તેલ આવતું નથી. જ્યારે આ પદ્ધતિ બિલકુલ યોગ્ય નથી. ઘરમાં સરસવનું તેલ ખતમ થાય તે પહેલા ખરીદી લાવો. સરસવનું તેલ શનિ ગ્રહ સાથે સંબંધિત માનવામાં આવે છે. તેથી સરસવનું તેલ સમાપ્ત થવાનો અર્થ છે કે તમે શનિના ક્રોધનો શિકાર બની શકો છો.

લોટ
જો તમે પણ લોટનો ડબ્બો ખાલી થયા પછી તેમાં લોટ ભરો છો તો આવું કરવું યોગ્ય નથી. ડબ્બામાં લોટ સંપૂર્ણ રીતે સમાપ્ત થાય તે પહેલાં તેમાં નવો લોટ ભરો. લોટનો ડબ્બા ક્યારેય ખાલી ન રાખવો જોઈએ. આનાથી ધન હાની થાય છે અને માન-સન્માનની પણ કમી થાય છે.

હળદર
જ્યારે પણ રસોડામાં હળદર ખતમ થવાની હોય ત્યારે તેના પહેલા ડબ્બામાં નવી હળદર ભરી દો, કારણ કે હળદરનો સંબંધ ગુરુ ગ્રહ સાથે માનવામાં આવે છે અને જો હળદર રસોડામાં સમાપ્ત થઈ જાય તો તે ગુરુ દોષ સમાન છે. પૈસાની અછત થવા લાગે છે અને તેઓ તેમની કારકિર્દીમાં પાછળ રહેવા લાગે છે. ઘરમાં હળદર ખૂટવાથી ધન અને વૈભવનો અભાવ તેમજ શુભ કાર્યોમાં અવરોધનો સંકેત આપે છે. ધ્યાનમાં રાખો કે ઉધાર પર ક્યારેય કોઈની હળદર માંગશો નહીં અથવા આપશો નહીં.

ચોખા
રસોડામાં ચોખા ક્યારેય ખતમ ન થવા દો કારણ કે ચોખાનો સંબંધ શુક્ર સાથે છે અને શુક્રને ધન, વૃદ્ધિ અને ભૌતિક સુખોનો કારક માનવામાં આવે છે. તેથી ઘરમાં ચોખા ખુટવા શુક્રનો દોષ દર્શાવે છે. શુક્રના દોષને કારણે પતિ-પત્નીના સંબંધોમાં કડવાશ આવવા લાગે છે.