દાવો / તિહાડ જેલમાં જ મને KISS કરી અને નોટનું બંડલ ઉડાવ્યું...: સુકેશ ચંદ્રશેખર સામે અભિનેત્રીનો ગંભીર ખુલાસો

• અભિનેત્રીએ સુકેશના ઘણા રહસ્યો ખોલ્યા 
• એ સમયે જેલમાં તેને પોતાનો પરિચય શેખર રેડ્ડી તરીકે આપ્યો
• ચંદ્રશેખરે મારા અંગત જીવન વિશે ઘણી વાતો કહી જે કોઈ જાણતું ન હતું

સુકેશ ચંદ્રશેખરના 200 કરોડના મની લોન્ડરિંગ કેસમાં ત્રીજી સપ્લીમેન્ટ્રી ચાર્જશીટ દાખલ કરવામાં આવી છે અને આ ચાર્જશીટમાં ઘણા ખુલાસા થયા છે. આ સાથે જ બોલિવૂડ અભિનેત્રીએ આ મામલે કોર્ટમાં પોતાનું નામ નોંધાવ્યું છે અને અભિનેત્રીએ જણાવ્યું કે મે 2018માં જ્યારે તે સુકેશ ચંદ્રશેખરને મળ્યા પછી તિહાડ જેલમાંથી બહાર આવી ત્યારે પિંકી ઈરાનીએ BMW કારમાં તેની તરફ 2000 રૂપિયાની નોટોનું બંડલ ફેંક્યું અને કહ્યું, "યે રખ તેરી મુહ દિખાઈ" 

આ સાથે જ અભિનેત્રીએ એમ પણ કહ્યું હતું કે ચંદ્રશેખરની સહયોગી ઈરાની ઉર્ફે એન્જેલે IGI એરપોર્ટ પર તેના માટે ઘૂંટણની લંબાઈનો સ્કર્ટ ખરીદી આપ્યો અને તેને શોર્ટ્સમાં બદલવા માટે કહ્યું હતું કારણ કે તિહાડમાં બધાનું ધ્યાન અભિનેત્રી તરફ આકર્ષિત થઈ શકે છે. આ વિશે અભિનેત્રીએ કહ્યું હતું કે, "જેલમાં એન્ટ્રી કરવા લાગી ત્યારે તે રડવા લાગી તો ઈરાનીએ તેને વારંવાર કહ્યું કે 'કંઈ નહીં થાય'. આ સાથે જ ઈરાનીએ તેને માથું નીચું રાખવાનું પણ કહ્યું જેથી તેનો ચહેરો સીસીટીવી કેમેરામાં ન દેખાઈ.' 

અભિનેત્રીએ સુકેશના ઘણા રહસ્યો ખોલ્યા 
અભિનેત્રીના નિવેદનમાં આવ્યું છે કે, "તિહાડમાં તેને ઘણા બધા ગેજેટ્સવાળા રૂમમાં લઈ જવામાં આવી હતી અને ત્યારે એક વ્યક્તિ રૂમમાં પ્રવેશ્યો અને મને કહેવામાં આવ્યું કે તે સુકેશ ચંદ્રશેખર છે. એ વ્યક્તિએ બ્રાન્ડેડ કપડાં અને ઘડિયાળ પહેરેલી હતી અને માથાથી પગ સુધી તૈયાર થયેલ હતો. એ સમયે તેને પોતાનો પરિચય શેખર રેડ્ડી તરીકે આપ્યો. અને ઈરાનીએ મને કહ્યું કે તે સન ટીવીનો માલિક છે અને જયલલિતાનો ભત્રીજો છે. વોટિંગ મશીન હેક કરવા બદલ હાલ જેલમાં છે. 

'જેલમાં મળવા શા માટે આમંત્રણ આપ્યું?'- અભિનેત્રી 
નિવેદન આપતા અભિનેત્રીએ આગળ કહ્યું, "મેં તેને બધાની સામે બૂમો પાડી પૂછ્યું કે તેણે મને મળવા માટે તિહાડ જેલમાં કેમ બોલાવી તો તેણે મને કહ્યું કે તેને મારા પર ક્રશ છે અને લાંબા સમયથી મારી સિરિયલો જોઈ રહ્યો છે. આ વાત સાંભળતા જ મેં તેને કહ્યું કે મારા લગ્ન થઈ ગયા છે અને મારા બે બાળકો છે, મારું એક બાળક છ મહિનાનું છે. તો એ વ્યક્તિએ મને કહ્યું કે મારા પતિએ મને વહેંચી દીધી છે અને એ મને બચાવવા માંગે છે.' 

મુંબઈ આવ્યા પછી કરી બ્લેકમેલ 
અભિનેત્રીએ વધુમાં કહ્યું હતું કે ' એ સમયે ચંદ્રશેખરે મારા અંગત જીવન વિશે ઘણી વાતો કહી જે કોઈ જાણતું ન હતું અને એ પછી સુકેશે મને ગળે લગાડીને કિસ કરવા લાગ્યો પણ હું રૂમમાંથી બહાર નીકળી ગઈ. તિહાડમાંથી બહાર આવ્યા પછી એન્જેલે મને 2 લાખ રૂપિયા આપ્યા અને તેની ઘડિયાળ ઉતારી અને મને આપી. તેનો છેલ્લો કોલ 23.12.2018ના દિવસે આવ્યો હતો" અભિનેત્રીએ કોર્ટમાં જણાવ્યું કે મુંબઈ પરત ફર્યા બાદ તેને બ્લેકમેલ કરવામાં આવી હતી અને 8 લાખ રૂપિયાની માંગણી કરવામાં આવી હતી. અભિનેત્રીના નિવેદનના આધારે દિલ્હી પોલીસને શંકા છે કે ચંદ્રશેખરે તેને ફસાવી હતી.