પરદા પર દેખાતી સુંદર અભિનેત્રીઓને ઘણી વસ્તુઓમાંથી પસાર થવુ પડે છે ત્યારે તે ફેમસ થાય છે ઘણી વાર તે કાસ્ટિંગ કાઉચનો પણ શિકાર બની જાય છે.
કાસ્ટિંગ કાઉચને લઇને કર્યો ખુલાસો
કિશ્વર મર્ચન્ટ સાથે ઘટી ચૂકી છે ઘટના
હાલમાં તે પ્રેગનેન્સી એન્જોય કરી રહી છે
હાલમાં જ એક્ટ્રેસ કિશ્વર મર્ચન્ટે ખુલાસો કર્યો કે તે પણ કાસ્ટિંગ કાઉચનો સામનો કરી ચૂકી છે. કિશ્વરના કહ્યાં અનુસાર તે મોટા સ્ટાર અને પ્રોડ્યુસર સાથે કામ કરવાની હતી પરંતુ કાસ્ટિંગ કાઉચના કારણે તેણે તે ફિલ્મ છોડી દેવી પડી હતી. હાલમાં તે પોતાની પ્રેગનેન્સી વિષે વાત કરવાનુ પસંદ કરે છે.
કિશ્વરે ભેજા ફ્રાય અને હમ તુમ ઓર શબાના જેવી ફિલ્મોમાં કામ કર્યુ છે. જ્યારે તેને પૂછવામાં આવ્યું કે તેણે ક્યારેય કાસ્ટિંગ કાઉચનો સામનો કર્યો છે ત્યારે તેણે કહ્યું કે હાં, એક વાર તેની સાથે આવી ઘટના ઘટી હતી.
કિશ્વરે કહ્યું કે, તે એક મિટીંગમાં પોતાની માતા સાથે ગઇ હતી અને પ્રોડ્યુસરે તેને કહ્યું કે તેણે એક રાત હિરો સાથે ગાળવી પડશે. મે તે ઓફરને નકારી દીધી હતી. બાદમાં હું અને મારી માતા ત્યાંથી આવી ગયા હતા.
ઇંન્ડસ્ટ્રી કાસ્ટિંગ કાઉચ માટે બદનામ છે અને હું તેમ નહી કહું કે આ નોર્મલ વાત છે પરંતુ દરેક ઇન્ડસ્ટ્રીમાં આ વસ્તુ થાય છે. કિશ્વરે કહ્યું કે તે પ્રોડ્યુસર અને હીરોનું નામ નહી કહે પરંતુ તે ખુબ મોટુ નામ ધરાવે છે.
કિશ્વર મર્ચન્ટે તે પણ કહ્યું કે આ પ્રકારના અનુભવ બાદ પણ તેણે હાર ન માની અને કહ્યું કે મારુ ફોકસ મારા કામ પર જ હતું. મને સારુ કામ મળતુ ગયુ અને આજે હું આ ઉંચાઇ પર પહોંચી છું.