રણનીતિ / ગુજરાત ભાજપમાં હવે આ 'ઠાકોર વટ પાડશે', આત્મીય એકતા સંગઠનના અધ્યક્ષ કરશે કેસરિયો

• ભાજપમાં જોડવાનો સિલસિલો યથાવત.
• ભાજપમાં આજે વધુ એક ઠાકોર સમુદાયમાં અગ્રણી જોડાશે
• આત્મીય યુવા સંગઠનના કિશોર ઠાકોર જોડાશે ભાજપમાં

ગુજરાતમાં વિધાનસભા ચૂંટણી નજીક આવતા જ ભારતીય જનતા પાર્ટી એક બાદ એક મોટા માથાઓની ભરતી કરાઇ રહી છે. ગઈકાલે ખ્યાતનામ કલાકારો બાદ આજે ઠાકોર સમાજના અગ્રણીએ ભાજપમાં જોડાવવાની જાહેરાત કરી છે.આત્મીય યુવા સંગઠનના રાષ્ટ્રીય અધ્યક્ષ અને ઠાકોર સમુદાયનો મોટો ચહેરો  કિશોર ઠાકોર હવે ભાજપની વિચારધારા સાથે જોડાશે.

આત્મીય એકતા સંગઠનમાં ઠાકોર સમાજના હજારો સંગઠન જોડાયેલા
આજે વધુ એક ઠાકોર સમુદાયના અગ્રણીમાંથી આત્મીય યુવા સંગઠનના કિશોર ઠાકોર ભાજપમાં જોડાશે. કોંગ્રેસે ગુજરાત પ્રદેશ પ્રમુખ તરીકે જગદીશ ઠાકોરને બેસાડ્યા છે. તો સામે ભાજપ પણ હવે ગુજરાતના આ સમુદાયને વધુ મજબૂત રીતે પોતાની તરફ આકર્ષવા માંગે છે. જેના જ ભાગરૂપે આત્મીય એકતા સંગઠનના અધ્યક્ષ કિશોર ઠાકોર ભાજપમાં જોડાઈ રહ્યા છે. સામાજિક કાર્યકર તેમજ સતત લોકોની વચ્ચે રહેતા કિશોર ઠાકોરને આગામી ચૂંટણીમાં મહત્વની જવાબદારી સોંપાઈ શકે છે. 

વિધાનસભાની 41 બેઠકો પર સંપૂર્ણ પણે ઠાકોર સમાજનું પ્રભુત્વ
મહત્વનું છે કે આત્મીય એકતા સંગઠનમાં ઠાકોર સમાજના હજારો સંગઠન જોડાયેલા છે. 182 બેઠકમાંથી 41 બેઠકો પર સંપૂર્ણ રીતે ઠાકોર સમાજના વોટ પર આધારિત છે. ભાજપનો આ ફૂલ એન્ડ ફાઇનલ દાવ કેટલો કારગર રહે છે તે આગળનો સમય જ બતાવશે.

ગઈકાલે ગુજરાતી કલાકારોએ કર્યા હતા કેસરિયા
રાજ્યના કેટલાક કલાકારો ગઈકાલે ભારતીય જનતા પાર્ટીમાં જોડાઈને કેસરિયા કર્યા હતા.રાજ્યના ચલચિત્ર ઉદ્યોગ અને લોક ગાયકી સાથે સંકળાયેલા કેટલાક કલાકારોમાં ભક્તિ કુબાવત, મમતા સોની, જાહ્નવી પટેલ, આકાશ ઝાલા, હેમાંગ દવે, હિતલ ઠક્કર, પ્રશાંત બારોટ, જ્યોતિ શર્મા, કામિનીબેન પટેલ, સન્ની કુમાર ખત્રી, ભાજપમાં જોડાયા હતા. પ્રદેશ અધ્યક્ષ સી. આર.પાટીલ ની ઉપસ્થિતિમાં પક્ષમાં જોડાયા હતા. બીજી તરફ, રાજ્યના પૂર્વ મંત્રી રહી ચુકેલા કચ્છના નેતા બાબુ મેઘજી શાહના પુત્રી જાગૃતિ શાહ પણ ભાજપમાં જોડાયા છે.