ભેટ / મહામારીમાં જગતના તાતને આત્મનિર્ભર બનાવવા સરકારે દોડાવી કિસાન રેલ, મળે છે 50 ટકા સબસિડી

• ખેડૂતો માટે દોડાવાઈ રહી છે કિસાન ટ્રેન
• આ સબસિડી ઓપરેશન ગ્રીન ટોપ ટૂ ટોટલ યોજના હેઠળ અપાય છે
• ફળ-શાકભાજી પર તત્કાળ પ્રભાવે 50 ટકા સુધી સબસિડી આપે

કોરોનાની મહામારીને કારણે વિખેરાઈ ગયેલી અર્થવ્યવસ્થાને પાટે ચઢાવવા માટે ભારતીય રેલવે ભરપૂર પ્રયાસ કરી રહ્યા છે અને અન્ય પ્રોડ્ક્ટની સાથા સાથે કૃષિ પ્રોડક્ટની હેરાફેરી માટે પણ જેવી કે શાક-ભાજી, ફળ, અનાજ , દૂધ સહિતની વસ્તુઓને રેલ મારફતે દેશના ખૂણે ખૂણે પહોંચાડવા માટે રાહત આપી છે. 

ટમેટા, ડુંગળી અને બટેટેથી લઈને તમામ ફળ અને શાકભાજી  આ આવરી લેવાની ઘોષણા

કેન્દ્ર સરકારે કિસાન રેલના માધ્યમથી ફળ-શાકભાજીના પરિવહન પર 50 ટકા સબસિડી આપવાનો આદેશ કર્યો છે. આ સબસિડી ઓપરેશન ગ્રીન ટોપ ટૂ ટોટલ યોજના( Operation Green-TOP to Total ) હેઠળ આપવામાં આવશે. કેન્દ્રના આત્મનિર્ભર ભારત અભિયાન હેઠળ ફૂડ પ્રોસેસિંગ ઉદ્યોગ મંત્રાલયે પાયલોટ પ્રોજેક્ટ આધારે છ મહિના માટે ઓપરેશન ગ્રીન યોજનાને વિસ્તારીને ટમેટા, ડુંગળી અને બટેટેથી લઈને તમામ ફળ અને શાકભાજી  આ આવરી લેવાની ઘોષણા કરી હતી. 

Operation Green - TOP to Total के तहत नोटिफाई की हुई सब्जियों, व फलों के लिये #KisanRail द्वारा ट्रांसपोर्ट करने में सब्सिडी को 50% कर दिया गया है।

किसान अब और कम लागत पर अपने उत्पाद नये मार्केट तक भेज सकेंगे, जिससे उनकी आय में वृद्धि होगी। pic.twitter.com/tLlsA0lj4P

— Piyush Goyal (@PiyushGoyal) October 13, 2020

કેન્દ્રીય નાણા મંત્રી નિર્મલા સીતારામને મે મહિનામાં જાહેરાત કરી હતી કે, 500 કરોડ રૂપિયાના વધારાના ભંડોળ સાથે ઓપરેશન ગ્રીનનું વિસ્તરણ કરવામાં આવશે અને ટમેટા, ડુંગળી અને બટેટા સહિત તમાં ફળો અને શાકભાજીને પણ સામેલ કરવામાં આવશે. રેલ મંત્રાલયે મંગળવારે જાહેર કરેલા આદેશમાં કહેવામાં આવ્યું છે કે, આ ફંડના ઉપયોગ માટે ભારતીય રેલવે ફૂડ પ્રોસેસિંગ ઉદ્યોગ મંત્રાલય (MOFPI)ને ઉપયોગ પ્રમાણપત્ર ઉપલબ્ધ કરાવશે. ત્યાર બાદ મંત્રાલય રેલવેને વધારાનું ફંડ આપશે. ઝોનલ રેલવેને વિનંતી કરાઈ છે કે તે કિસાન રેલ ટ્રેન દ્વારા પરિવહન થનાર ફળ-શાકભાજી પર તત્કાળ પ્રભાવે 50 ટકા સુધી સબસિડી આપે. 

આમાં કહેવાયું છે કે, માલ લઈ જનાર સ્ટેશનના મુખ્ય પાર્સલ નિરીક્ષક એ વાતનું ધ્યાન રાખે અને તે જવાબદારી લે કે ફક્ત અધિસૂચિત સામાન પર જ આ યોજના હેઠળ લાભ મળે અથવા આપવામાં આવે. ઓડીટની રીતો અને અન્ય બાબતોને અંતિમ રૂપ આપવામાં આવી રહ્યું ચે. અને આ વિશે જલ્દી જ સૂચનાઓ આપવામાં આવશે. રેલ મંત્રાલયે કહ્યું કે, ફૂડ પ્રોસેસિંગ ઉદ્યોગ મંત્રાલય શરૂઆતમાં યોજના માટે 10 કરોડ રૂપિયા આપશે. આ રકમને દક્ષિણ મધ્ય રેલવે ઝોન પાસે જમા કરાવવામાં આવશે. કેન્દ્રે આ નાણાકીય વર્ષના બજેટમાં વિશેષ પાર્સલ ટ્રેન કિસાન રેલ ચલાવવાની જાહેરાત કરી હતી.