ખેડૂત આંદોલન / ધરણાસ્થળ પર જ ખેડૂતો મનાવશે નવું વર્ષ, આગળની રણનીતિ પર આજે બેઠક

• આગળની રણનીતિ પર આજે ખેડૂતોની બેઠક
• ધરણાસ્થળ પર જ ખેડૂતો મનાવશે નવું વર્ષ
• વાતચીત બાદ આશા છે કે ખેડૂતોને નવું વર્ષ ઘરે મનાવશે
   

ખેડૂતોની તરફથી 31 ડિસેમ્બરે થનારી ટ્રેક્ટરની રેલી સ્થગિત કરાઈ છે. બેઠકમાં જે રીતે નિર્ણય લેવાયા છે તેની જાણકારી ગુરુવારે ધરણા સ્થળ પરના ખેડૂતોને અપાશે. આજે ખેડૂત નેતાઓએ સ્પષ્ટ કર્યું છે કે જ્યાં સુધી સરકાર સાથે વાતચીતમાં સ્થિતિ સ્પષ્ટ નહીં થાય ત્યાં સુધી આંદોલન ખતમ નહીં થાય.

 
અમને ખબર હતી કે સરકાર અમારી માંગ જલ્દી નહીં માનેઃ ખેડૂત નેતા

કુંડળી બોર્ડર પર ખેડૂતો સતત ધરણા કરી રહ્યા છે. તેઓએ કહ્યું કે અમને ખબર હતી કે સરકાર અમારી માંગ જલ્દી માનશે નહીં. જે રીતે સરકારની વાતચીત આગળ વધી રહી છે તેનાથી ખેડૂતો પણ સારી રીતે વાતચીત માટે તૈયાર થયા છે. 
 

કુંડળી ધરણા પર ભાકિયા અંબાવતાના રાષ્ટ્રિય મહાસચિવ શમશેર સિંહે કહ્યું કે વીજળી સંશોધન બિલ 2020 અને પરાલીને લઈને ખેડૂતોની માંગ સરકારે માનવાની વાત કહી છે. જો કે એમએસપી અને ત્રણ કાયદાને લઈને કોઈ ખાસ નિર્ણય લેવાયો નથી. તેને માટે 4 જાન્યુઆરીએ ફરીથી વાત થશે. ખેડૂતોના આ સકારાત્મક પગલાંને માનીને ટ્રેક્ટર રેલી સ્થગિત કરાઈ છે. તેઓએ કહ્યું કે એમએસપી અને 3 કાયદાને લઈને ખેડૂતો અડગ છે અને આવનારી વાતચીત અહીંથી શરૂ થશે. 

ગઈકાલે સરકારે ખેડૂતો સાથે કરી 7મી વખત બેઠક

કૃષિમંત્રીએ ખેડૂતો સાથેની 7મી બેઠક બાદ કહ્યું હતું કે આજની મીટિંગ સારી રહી અને ખેડૂતોના 4 મહત્વની માંગ હતી તેના પર 2 પર સહમતિ થઈ ગઈ છે. ત્યારે સામે બાજુ ખેડૂતોએ પણ ટ્રેક્ટર માર્ચ રદ્દ કરવાનો નિર્ણય કર્યો હતો. ખેડૂત આંદોલન વચ્ચે આજે ખેડૂતો અને સરકારની સાતમી વખત બેઠક યોજાઈ હતી. આ બેઠકમાં 40 ખેડૂત સંગઠનોના પ્રતિનિધિઓ ઉપસ્થિત રહ્યા હતા જો કે, 5 કલાકથી વધુ સમયગાળો ચાલેલી આ બેઠક બાદ 2 મુખ્ય માંગો સરકારે માની લીધી છે તેવું કૃષિમંત્રીએ જણાવ્યું હતું. જો કે હવે આગામી બેઠક 4 જાન્યુઆરીએ યોજાશે તેવું પણ નક્કી થયું હતું.

ખેડૂતોએ રદ્દ કરી ટ્રેકટર માર્ચ

મહત્વનું છે કે સરકાર સાથેની બેઠક બાદ ખેડૂતોએ આજે ટ્રેક્ટર માર્ચ યોજવાનો નિર્ણય રદ્દ કર્યો હતો. ખેડૂતોએ કહ્યું હવે હાલ શાંતિપૂર્ણ રીતે આંદોલન ચાલુ રહેશે. ત્યારે કહી શકાય કે સાતમા તબક્કાની બેઠક મહદ્ અંશે બંને પક્ષો માટે સફળ રહી છે અને સરકાર માટે રાહતના સમાચાર આવ્યાં છે.