કેન્દ્રના કૃષિ કાયદાની વિરુદ્ધમાં પંજાબ અને હરિયાણાના ખેડૂતો ગુરુવાર અને શુક્રવારે દિલ્હીમાં ધરણાં પ્રદર્શન કરશે. ખેડૂતોની દિલ્હી ચલો માર્ચને નાકામ કરવા માટે હરિયાણા અને પંજાબ સરકારે તેમની બોર્ડર સીલ કરી છે. પાડોશી રાજ્યો સાથેની બસ સેવાઓ પણ બંધ કરવામાં આવી છે. હરિયાણા પોલીસે ખેડૂતોને દિલ્હી પહોંચતા રોકવા માટે અંબાલા અને કુરુક્ષેત્રના માર્ગ પર પાણીના મારાનો ઉપયોગ કર્યો. સાથે દિલ્હીના કેટલાક વિસ્તારોની બોર્ડર પણ સીલ કરાઈ છે.
આજે દિલ્હીમાં ખેડૂતોના ધરણાં
હરિયાણા અને પંજાબ સરકારે તેમની બોર્ડર સીલ કરી
કેટલાક વિસ્તારોમાં બસ અને મેટ્રો સેવાઓ કરાઈ બંધ
ભાજપ શાસિત હરિયાણાના ખેડૂતોએ દિલ્હી ચલો માર્ચના આધારે પંજાબની સાથે પોતાની બસ સેવા બુધવારથી તત્કાલ રીતે બંધ કરી છે. અહીંના પરિવહન મંત્રીએ કહ્યું કે અમે પંજાબને માટે રોડવેઝ સેવા 2 દિવસ સુધી બંધ રાખીશું.
Due to Kisan Rally call for Delhi, on the request of Delhi Police & to avoid overcrowding in view of ongoing COVID pandemic, services will be regulated tomorrow from resumption early in the morning till 2PM through loops. After 2PM, services will run on all lines from end to end. pic.twitter.com/XNrsAVpTEq
— Delhi Metro Rail Corporation I कृपया मास्क पहनें😷 (@OfficialDMRC) November 25, 2020
કયા મેટ્રો સ્ટેશન પર બંધ રહેશે સેવાઓ
અધિકારીઓએ કહ્યું કે બુધવારની સાંજથી ચંડીગઢ ટ્રાન્સપોર્ટ અંડર ટેકિંગે પણ ખેડૂતોના દિલ્હી ચલો માર્ચને કારણે 2 દિવસ સુધી હરિયાણાની બસ સેવા બંધ કરી છે. મેટ્રોએ પણ કેટલીક સેવાઓ આજે બંધ રાખી છે. બપોરે 2 વાગ્યા બાદ દરેક લાઈન પર સર્વિસ પહેલાંની જેમ કાર્યરત કરાશે. આ સ્ટેશનમાં નોઈડા, ફરીદાબાદ, ગાઝિયાબાદ, ગુરુગ્રામ સુધી એન્ડ ટુ એન્ડ સર્વિસ મળશે નહીં. બ્લૂ લાઈન પર આજે બપોરે 2 વાગ્યા સુધી આનંદ વિહારથી વૈશાલી અને ન્યૂ અશોક નગરથી નોઈડા સીટી સેન્ટર સુધી મેટ્રો સેવાઓ બંધ રહેશે. સાથે યલો લાઈન પર સુલ્તાનપુર મેટ્રો સ્ટેશનથી લઈને ગુરુ દ્રોણાચાર્ય મેટ્રો સ્ટેશન સેવાઓ બંધ રહેશે.
ખેડૂતોના માર્ચ વાળા દિવસો 26 અને 27 નવેમ્બરે હરિયાણા અને પંજાબની સાથે પોતાની સીમાઓ સીલ કરશે. હરિયાણા પોલીસે કહ્યું કે કોરોના સંબંધી પાબંધીને ધ્યાનમાં રાખીને રાષ્ટ્રિય રાજધાની અને માર્ચ કરવાની પરમિશન નહીં મળે. હરિયાણા સરકારે પ્રદર્શનકારીઓને જમા થવાથી રોકવા માટે રાજ્યના અલગ અલગ ભાગમાં કલમ 144ના આધારે રોક લગાવી છે.