અમદાવાદ / ટ્રમ્પના સત્કાર કાર્યક્રમની તડામાર તૈયારીઓ, કૈલાશ ખેર સહિત આ કલાકારો મચાવશે ધૂમ

• અમદાવાદમાં ટ્રમ્પના આગમનને લઇ તૈયારીઓ
• મોટેરા સ્ટેડિયમમાં ગાયક કલાકારોને આમંત્રણ
• સ્ટેડિયમના નિર્માણ માટે 800 કરોડનો થયો ખર્ચ

ઉલ્લેખનીય છે કે, આ સાથે જ પાર્થિવ ગોહિલ, પુરષોતમ ઉપાધ્યાય, કીર્તિદાન ગઢવી, સાંઈરામ દવે, કિંજલ દવે હાજર રહેશે. તો સ્ટેડિયમ વિશે કહ્યું કે સ્ટેડિયમની ડિઝાઇન આર્કિટેક્ટ ફર્મ પોપ્યુલસ દ્વારા કરવામાં આવી છે. નવા સ્ટેડિયમના નિર્માણનો ખર્ચ રૂ. 800 કરોડ થયો છે. 

મોટેરામાં કેવી હશે સુવિધા ?

આ સ્ટેડિયમમાં એક સાથે બે મેચ રમી શકાય તેવી વ્યવસ્થા છે. તો સ્ટેડિયમમાં 4 ડ્રેસિંગ રૂમ, ઓલમ્પિક સાઇઝનો સ્વિમિંગ પુલ પણ બનાવાયો છે. જ્યારે 4 આધુનિક ડ્રેસિંગ રૂમ સાથે 3 પ્રેક્ટિસ ગ્રાઉન્ડ પણ બનાવાયા છે. આ સ્ટેડિયમમાં 1.10 લાખ લોકોની બેઠક વ્યવસ્થા છે. વર્લ્ડ કલાસ લેવલની તમામ સુવિધા અપાઇ છે.

કિર્તીદાન ગઢવીએ લાડકી ગીત ગાવાની ઇચ્છા પ્રગટ કરી 

અહીં યોજાનારા રંગારંગ કાર્યક્રમમાં લોકકલાકાર કિર્તિદાન ગઢવી સહિત ગાયક કલાકાર પાર્થિવ ગોહેલ અને હાસ્ય કલાકાર સાંઇરામ દવે પણ પર્ફોમન્સ આપવાના છે. જો કે, કિર્તીદાન ગઢવીએ ટ્રમ્પ સમક્ષ લાડકી ગીત ગાવાની ઇચ્છા દર્શાવી હતી. 

ગાંધી આશ્રમ નહીં જાય ટ્રમ્પ 

અમેરિકાના રાષ્ટ્રપતિ ડોનાલ્ડ ટ્રમ્પનો અમદાવાદના ગાંધી આશ્રમનો કાર્યક્રમ રદ થયો છે. ડોનાલ્ડ ટ્રમ્પ ગાંધી આશ્રમની મુલાકાત લે તેવી ચર્ચાઓ ચાલી રહી હતી. ત્યારે હવે પોલીસ દ્વારા રૂટની જાહેરાત કરવામાં આવતા કાર્યક્રમ રદ થયો હોવાનું સ્પષ્ટ થયું છે. અમદાવાદમાં આવતા તમામ વિદેશી મહેમાનો ગાંધી આશ્રમની મુલાકાત લેતા હોય છે.