નિવેદન / 'આર્યને જ કીધું હતું પેરેન્ટ્સને ફોન લગાવી આપો અને વાનખેડેને તો હું...', સેલ્ફીમેન કિરણ ગોસાવીના મોટા ખુલાસા

• કિરણ ગોસાવીએ તોડ્યુ મૌન
• પ્રભાકર સૈલની વાતોને ગણાવી બેઝલેસ
• NCB અધિકારી વાનખેડેને ઓળખતો જ નથી

બોડીગાર્ડે કહી આ વાત
પ્રભાકર સૈલે કહ્યું કે, કિરણ ગોસાવીએ આર્યન ખાનને છોડવા માટે 25 કરોડ રૂપિયાની માગ કરી હતી. આ માગ સમીર વાનખેડે તરફથી જ કરવામાં આવી હતી. આર્યન ખાનના ક્રુઝ કેસના NCB સાક્ષી પણ છે. આ તે જ શખ્સ છે જેણે આર્યન સાથે સેલ્ફી લીધી હતી અને વાયરલ થઇ હતી. 

ગોસાવીએ કહી આ વાતો
હવે કિરણ ગોસાવીએ પ્રભાકરના આ દાવા પર ચુપ્પી તોડી છે. ગોસાવીએ કહ્યું કે, તે સમીર વાનખેડેને ઓળખતો જ નથી. તેણે આ પ્રકારે નિવેદન આપ્યું હતું. 

• હું 6 ઓક્ટોબર સુધી મુંબઇમાં હતો
• મારે જબરદસ્તી ફોન બંધ કરવો પડ્યો હતો કારણકે મને ધમકી ભરેલા ફોન આવતા હતા
• હું વાનખેડેને નથી ઓળખતો, મે બસ તેને ટીવી પર જોયો છે
• હું NCBની કોઇ પણ એક્શનનો હિસ્સો નહોતો
• મેં દરેક વાત વાંચ્યા બાદ પંચનામામાં સહી કરી હતી. 
• આર્યન ખાને મને તેની મેનેજર સાથે વાત કરાવવા માટે કહ્યું હતું કારણકે તે સમયે ફોન તેની પાસે નહોતો
• આર્યને મને રિકવેસ્ટ કરી કે હું તેની વાત તેના મેનેજર કે મા-બાપ સાથે કરાવી દઉ
• હું પ્રભાકરને ઓળખું છું, તેણે મારા માટે કામ કર્યુ છે પરંતુ તેણે કહેલી વાતો ખોટી છે
• હું પ્રભાકર સાથે 11 ઓક્ટોબરથી ટચમાં નથી
• મારા વિરુદ્ધ પુણેમાં એક કેસ રજીસ્ટર થયો હતો પરંતુ અચાનક તેના પર કાર્યવાહી શરૂ થઇ ગઇ હતી
• મારા જીવને જોખમ છે, મને ધમકી આપવામાં આવી રહી છે કે જેલમાં મને મારી નાંખવામાં આવશે
• 6 ઓક્ટોબર બાદથી આજ સુધી સમીર વાનખેડે સાથે મારી કોઇ વાત નથી થઇ.