Aryan Khan Drugs Case / મુંબઈ ક્રૂઝ ડ્રગ્સ કેસનો મુખ્ય સાક્ષી પુણેથી ઝડપાયો, આ મોટા ગુનામાં હતો ફરાર

આર્યન ખાન કેસના મુખ્ય સાક્ષી કિરણ ગોસાવીની મહારાષ્ટ્રના પુણેથી ધરપકડ કરવામાં આવી છે.

ગોસાવી સામે છેતરપિંડીના કેસમાં આ કાર્યવાહી કરવામાં આવી છે. પૂણે પોલીસના જણાવ્યા અનુસાર ગોસાવીની મોડી રાત્રે ધરપકડ કરવામાં આવી છે. કિરણ ગોસાવીની 2018ના છેતરપિંડીના કેસમાં અટકાયત કરવામાં આવી છે જેમાં તે ફરાર હતો. 2019માં પુણે સિટી પોલીસે તેને વોન્ટેડ જાહેર કર્યો હતો. ત્યારથી તે ગુમ હતો અને ક્રુઝ રેઈડ દરમિયાન તે માત્ર NCBના સાક્ષી તરીકે જોવા મળ્યો હતો. 14 ઓક્ટોબરે પોલીસે તેની વિરુદ્ધ લુકઆઉટ સર્ક્યુલર બહાર પાડ્યો હતો.

ત્રણ લાખ રૂપિયાની છેતરપિંડીનો આક્ષેપ
પોલીસના જણાવ્યા અનુસાર, 2018માં કિરણ ગોસાવી અને શેરબાનો કુરેશીએ પુણેના ચિન્મય દેશમુખ નામના યુવકને મલેશિયામાં નોકરી અપાવવાનું આશ્વાસન આપ્યું હતું, જેના બદલામાં તેમની પાસેથી ત્રણ લાખ રૂપિયાની છેતરપિંડી કરી હતી. પરંતુ ચિન્મયને નોકરી ન મળી. અને હવે આ જ આરોપમાં કિરણ ગોસાવીની ધરપકડ કરવામાં આવી છે.

किरण गोसावी को 2018 के धोखाधड़ी के मामले में हिरासत में लिया गया है जिसमें वह फरार था। 2019 में पुणे सिटी पुलिस ने उसे वांटेड घोषित किया। वह तब से लापता था और उसे NCB गवाह के रूप में क्रूज़ रेड के दौरान देखा गया था। पुलिस ने 14 अक्टूबर को उसके खिलाफ लुकआउट सर्कुलर जारी किया था। pic.twitter.com/3W6gjMg6ZJ

— ANI_HindiNews (@AHindinews) October 28, 2021

પ્રભાકર સેલ ખોટું બોલે છેઃ કિરણ ગોસાવી
સાથે જ કસ્ટડીમાં લેતા પહેલા મુખ્ય સાક્ષી ગોસાવીએ કહ્યું કે પ્રભાકર સેલ ખોટું બોલી રહ્યો છે. હું માત્ર એટલી જ વિનંતી કરવા માંગુ છું કે તેમનો CDR રિપોર્ટ જાહેર કરવામાં આવે. મારો CDR રિપોર્ટ અથવા ચેટ જારી કરી શકાય છે. પ્રભાકર સેલ અને તેના ભાઈની સીડીઆર રિપોર્ટ અને ચેટ જાહેર કરવી જોઈએ જે બધું સ્પષ્ટ કરી દેશે.

કિરણ ગોસાવીએ કહ્યું કે મહારાષ્ટ્રના ઓછામાં ઓછા એક મંત્રી કે વિપક્ષના કોઈપણ નેતા મારી સાથે ઊભા રહે. તેઓએ મુંબઈ પોલીસને પ્રભાકર સેલની સીડીઆર અને ચેટ જારી કરવા વિનંતી કરવી જોઈએ. તેનો રિપોર્ટ આવ્યા બાદ બધુ સ્પષ્ટ થશે.