ગુજરાતમાં પણ ખુલ્લેઆમ મળશે 'કિંગફિશર'ની ડ્રિંક નહીં થાય કાયદેસરની કાર્યવાહી

દારૂએ ગુજરાતીઓ માટે એકમદ ઇમોશનલ વસ્તુ છે. શોખીન લોકો પીવા માટે છેક ગુજરાત છોડીને દીવ-દમણ રાજસ્થાન મુંબઇ અને ગોવા સુધી જાય છે. કેમકે ગુજરાત માં તો પ્રોહિબિશનને કારણે ઑફિશિયલી દારૂ મળતો નથી. પરંતુ છેલ્લા ઘણા દિવસથી સોશ્યલ મીડિયા પર એક જાહેરાત વાયરલ થઇ રહી છે જેને જોઇને ગુજરાતી લોકો ખુશ થઇ રહ્યા છે. જી હા બિયર બનાવતી કંપની 'કિંગફિશર' હવે ગુજરાતમાં પણ મળશે.









 'કિંગફિશર'  કંપની છેલ્લા ઘણા સમયથી પોતાના સોશ્યલ મીડિયા પ્લેટફોર્મ પર જાહેરાત કરી રહી છે કે ગુજરાતમાં પણ કિંગફિશર મળશે. હવે એ લોકોએ સિક્રેટ ખોલ્યું છે કે કિંગફિશર કંપનીએ ગુજરાતથી પોતાના નોન-આલ્કોહોલિક ડ્રિંક ‘રેડલર’ની શરૂઆત કરી છે. બિયર માટે જાણીતા જર્મનીના બાવરિયામાં 19મી સદીમાં અત્યંત ઓછો આલ્કોહોલ ધરાવતું ‘રેડલર’ નામનું એક પીણું લોકપ્રિય હતું. 




પરંતુ ગુજરાતમાં મળતા થયેલા ‘કિંગફિશર રેડલર’માં સ્વાભાવિક રીતે જ કોઈ આલ્કોહોલ નહીં હોય.  આ‘કિંગફિશર રેડલર’ લેમન જિંજર લાઇમ અને મિન્ટ લાઇમમાં મળશે. ‘કિંગફિશર રેડલર’ 250 મિલીનું કૅન કે બૉટલ 45 રૂપિયાની કિંમતે મળશે. કંપનીએ ગુજરાતની સાથોસાથ આ ડ્રિંક કર્ણાટકમાં પણ લૉન્ચ કર્યું છે.