પ્રાચીન કાળમાં રાજા-મહારાજા જ આખી દુનિયા પર રાજ કરતા હતા. તેમના શોખ પણ અજબ પ્રકારના હતા. જે અંગે તમને જાણ થશે તો તમે તેને મૂર્ખ અથવા પાગલ જ કહેશો. વર્તમાનમાં મોટાભાગના દેશોમાં લોકશાહી સ્થાપિત થયુ અને હવે જનતા પોતાના દેશ અને રાજ્યની સરકારોને પસંદ કરવા માટે સ્વતંત્ર છે.
આ દેશનો રાજા દર વર્ષે કુંવારી યુવતી સાથે લગ્ન કરે છે
આજે અમે તમને એક એવા દેશ અને તેના રાજા વિશે જણાવવા જઇ રહ્યાં છે, જે દર વર્ષે કુંવારી યુવતી સાથે લગ્ન કરે છે. જેનાથી તેના બાળકો અને પત્નીઓની સંખ્યા એટલી બધી વધી ગઇ છે કે જેને જાણીને તમે હેરાન થઇ જશો. અમે વાત કરી રહ્યાં છે આફ્રિકી દેશ સ્વાજીલેન્ડની અને અહીંના રાજા વિશે. મહત્વનું છે કે સ્વાજીલેન્ડની આઝાદીના પચાસ વર્ષ પૂર્ણ થતા અહીંના રાજાએ વર્ષ 2018માં દેશનુ નામ બદલીને ધ કિંગડમ ઑફ ઇસ્વાતિની કરી દીધુ. આ દેશ આફ્રિકા ખંડમાં દક્ષિણ આફ્રિકાને અડીને આવેલો છે.
રાજાની સામે કુંવારી યુવતીઓ કરે છે ડાન્સ
દક્ષિણ આફ્રિકા અને મોજેમ્બિકની સરહદોને અડીને આવેલા આ દેશના અહીંના રાજાના કારણે અવાર-નવાર ચર્ચા થતી રહે છે. આ દેશમાં દર વર્ષે ઓગષ્ટ-સપ્ટેમ્બર મહિનામાં મહારાનીની માંના શાહી ગામ લુદજિજિનીમાં ઉમ્હલાંગા સેરેમનીનુ આયોજન કરવામાં આવે છે. આ ફેસ્ટિવલમાં 10 હજારથી વધુ કુંવારી યુવતીઓ અને બાળકી ભાગ લે છે. અહીંના રાજાની સામે કુંવારી યુવતીઓ ડાન્સ કરે છે. એક રિપોર્ટ મુજબ, કાર્યક્રમમાં સામેલ થનારી યુવતીઓમાં રાજા દર વર્ષે એક પોતાની રાણી પસંદ કરે છે. સૌથી પરેશાન કરનારી વાત એ છે કે આ યુવતીઓ કપડા વગર રાજા અને તેની આખી પ્રજાની સામે નાચે છે.
યુવતીઓ ના જોડાય તો પરિવારોએ ભરવો પડે છે ભારે દંડ
આ પરંપરાનો દેશની ઘણી યુવતીઓએ વિરોધ કર્યો હતો. તો અનેક યુવતીઓએ આ પરેડમાં જોડાવાની ના પાડી દીધી હતી. જ્યારે રાજાને આ વાતની જાણકારી મળી તો આ યુવતીઓના પરિવારોને ભારે દંડ ભરવો પડ્યો. મહત્વનું છે કે આ દેશના રાજા પર આરોપ લગાવવામાં આવી રહ્યાં છે કે તે પોતે આલીશાન શોખ પ્રમાણે રહે છે, તો ત્યાંની મોટાભાગની વસ્તી ગરીબીમાં જીવન ગુજારે છે.