ઉત્તર કોરિયાના શાસક 36 વર્ષીય કિમ જોંગના સ્વાસ્થ્યને લઈને અનેક રહસ્ય છે. જે ખુલવાનું નામ જ નથી લઈ રહ્યા. સાઉથ કોરિયા સહિત દુનિયાના અનેક દેશના મીડિયા રિપોર્ટમાં કિમ જોંગના ખરાબ સ્વાસ્થ્યને લઈને અનેક દાવા કરવામાં આવ્યા છે. જ્યારે ચીને પોતાની ડૉક્ટરોની એક ઉત્તર કોરિયા મોકલી છે.
ચીને ઉત્તર કોરિયા ટીમ મોકલી
કિમ જોંગને છેલ્લે 12 એપ્રિલના રોજ જોવામાં આવ્યા હતા
કિમ જોંગના સ્વાસ્થ્યના અનેક રહસ્ય ઘૂંટાઈ રહ્યા છે
ન્યૂઝ એજન્સી રોયટર્સના એક રિપોર્ટ મુજબ ઉ.કોરિયાના તાનાશાહ કિમ જોંગ ઉનના બિમારીના સમાચારની વચ્ચે ચીનથી ડૉક્ટરોની એક ટીમ કોરિયા મોકલવામાં આવી છે. રિપોર્ટમાં એમ પણ જણાવવામાં આવ્યુ છે કે ચીનની ક્મ્યુનિસ્ટ પાર્ટીના ઈન્ટરનેશનલ લાયજન ડિપાર્ટમેન્ટના એક સિનિયર નેતાના નેતૃત્વમાં આ ટીમ ત્યાં જવા રવાના થઈ છે . હવે જોવાનું કહ્યું કે ટીમના ત્યાં પહોંચ્યા બાદ શુ જાણવા મળે છે.
ત્યારે ચીનની વિદેશ મંત્રાલયે આ અંગે કોઈ પ્રતિક્રિયા આપી નથી. એક રિપોર્ટ મુજબ કિમને કાર્ડિયોવસ્કૂર ડિજીજના કારણે તેની સારવાર ચાલી રહી છે, તો કોઈ મીડિયા કહે છે કેમના હાર્ટની સર્જરી કરવામાં આવી છે. તો કોઈ કહે છે કે તે કોમામાં છે અથવા બ્રેઈન ડેડ છે.
ડોનાલ્ડ ટ્રમ્પે તેમના સાજા થવાની પ્રાર્થના કરી છે. ઉલ્લેખનીય છે કે કિમ જોંગને છેલ્લે 12 એપ્રિલના રોજ જોવામાં આવ્યા હતા. 15 એપ્રિલ તેમના દાદાજી અને ઉત્તર કોરિયાના સ્થાપક કિમ ઈલ સુંગનો જન્મદિન હતો. તેના ભવ્ય કાર્યક્રમમાં પણ તેઓ નજરે પડ્યા નહોતા.