માથાફરેલા કિમ જોંગે તેના જનરલને અનોખી સજા આપવા અને ભવિષ્યમાં કોઈ તેની સામે બળવો કરવાનું વિચારે પણ નહીં તેવી ધાક જમાવવા માટે દુનિયાની સૌથી ખતરનાક ગણાતી પિરાન્હા માછલી ભરેલી એક મોટી ટેન્ક મંગાવી હતી. કિમે તેનાં સૈનિકોને જનરલને આ પિરાન્હા ભરેલી ટેન્કમાં ફેંકી દેવાના આદેશો આપ્યા હતા અને આ સજા આપી ત્યારે ટોચના તમામ અધિકારીઓને પણ હાજર રાખ્યા હતાં.
ઉત્તર કોરિયાનો સનકી તાનાશાહ કિમ જોંગ ઉન તેની ક્રૂરતા માટે દુનિયાભરમાં કુખ્યાત છે. સમયાંતરે તેની મનોવિકૃતિ અને પાશવીપણાની સાબિતી આપતા કિસ્સાઓ સોશિયલ મીડિયા સહિતના માધ્યમોમાં ચમકતા રહે છે. કિમનું વધુ એક તાનાશાહી કૃત્ય બહાર આવ્યું છે. કિમ જોંગે તેના ખાસ વિશ્વાસુ જનરલને તખ્તાપલટનું ષડ્યંત્ર રચવાના આરોપસર એવી ઘાતકી સજા આપી છે કે તે જોઈને ભલભલા કાંપી ઉઠે.
રિપોર્ટ્સ અનુસાર, માથાફરેલા કિમ જોંગે તેના જનરલને અનોખી સજા આપવા અને ભવિષ્યમાં કોઈ તેની સામે બળવો કરવાનું વિચારે પણ નહીં તેવી ધાક જમાવવા માટે દુનિયાની સૌથી ખતરનાક ગણાતી પિરાન્હા માછલી ભરેલી એક મોટી ટેન્ક મંગાવી હતી. કિમે તેનાં સૈનિકોને જનરલને આ પિરાન્હા ભરેલી ટેન્કમાં ફેંકી દેવાના આદેશો આપ્યા હતા અને આ સજા આપી ત્યારે ટોચના તમામ અધિકારીઓને પણ હાજર રાખ્યા હતાં.
હજુ સુધી આ જનરલનાં નામનો કોઈ ખુલાસો થયો નથી. આ પહેલા કિમે અમેરિકાના રાષ્ટ્રપતિ ડોનાલ્ડ ટ્રમ્પ સાથેની મંત્રણા નિષ્ફળ ગયા બાદ પોતાના અમેરિકી રાજદૂતની હત્યા કરાવી દીધી હતી. સૂત્રોનો દાવો છે કે, પિરાન્હા ભરેલી ટેન્કમાં ફેંકતા પહેલાં જનરલનાં હાથ કાપી નાખવામાં આવ્યા હતા. ટેન્કમાં ખતરનાક પિરાન્હા માછલીઓ ભરેલી હતી, જે માનવીનાં લોહીની ગંધ પારખીને તરત હુમલો કરી દે છે.
આ માછલીઓને ખાસ બ્રાઝિલથી મંગાવવામાં આવી હતી. ઉલ્લેખનીય છે કે, પિરાન્હા માછલીઓનાં દાંત ખુબ અણીદાર હોય છે, જે ગણતરીની સેકન્ડોમાં જ શરીરને ચીરીને માંસ ખાઈ જાય છે. કહેવાય છે કે, કિમ જોંગ ઉને 1965માં રિલીઝ થયેલી જેમ્સ બોન્ડની ફિલ્મ ‘યુ ઓન્લી લિવ ટ્વાઈસ’થી પ્રેરાઈને આ સજા ફટકારી હતી. ફિલ્મમાં વિલન બ્લોફેલ્ડ પાસે પિરાન્હા ભરેલો એક પુલ હોય છે, જેમાં તે પોતાના સહયોગીને ફેંકી દે છે.
બ્રિટનની ગુપ્તચર એજન્સીઓનાં જણાવ્યાં અનુસાર, કિમ જોંગ લોકોમાં પોતાનો ડર જાળવી રાખવા માટે દુશ્મનોને અને દગો કરનારાઓને આવી ક્રૂર સજા આપે છે. આ અગાઉ પોતાનાં ભાષણ દરમિયાન તાળી ન વગાડવા જેવી સામાન્ય બાબતે પણ કિમ જોંગ તેના પરિવારના લોકો અને ટોચનાં સરકારી અધિકારીઓની હત્યા કરાવી ચૂક્યો છે.