કોમેડિયન કૃષ્ણા અભિષેક તથા તેના મામા ગોવિંદાની વચ્ચે છેલ્લાં એક વર્ષથી વિવાદ ચાલી રહ્યો છે. હાલમાં જ ગોવિંદા કોમેડિયન કપિલ શર્માના શોમાં આવ્યો હતો. જોકે, આ સમયે કૃષ્ણા અભિષેક જોવા મળ્યો નહોતો. તેણે આ એપિસોડમાં કામ કરવાની ના પાડી દીધી હતી. એ પછી કૃષ્ણા અને ગોવિંદા બંનેએ એકબીજા સાથે વાત ન કરવાનું કારણ પણ જણાવ્યું. બંને વચ્ચે ઘણાં સમયથી વાતચીત બંધ છે અને પબ્લિકલી બંને આ વાત એક્સેપ્ટ પણ કરી ચૂક્યા છે. ત્યારે હવે હાલમાં જ કીકૂ શારદાએ ધ કપિલ શર્મા શોમાં એક એપિસોડમાં કૃષ્ણા અભિષેક પર ગોવિંદાને લઈને ટોન્ટ માર્યો છે.
કપિલ શર્મામાં ગોવિંદાનું નામ લઈને કૃષ્ણાની ઉડાવી મજાક
કીકૂએ કહ્યું-ચીચી તો તારી સાથે વાત પણ નથી કરતા
કૃષ્ણા અને ગોવિંદા વચ્ચે ઘણાં સમયથી વાતચીત બંધ છે
હકીકતમાં હાલમાં જ કુલી નંબર 1ની ટીમ ધ કપિલ શર્મા શોમાં પહોંચી હતી. જ્યાં કૃષ્ણા અભિષેક ધર્મેન્દ્ર અને કિકૂ શારદા સની દેઓલના ગેટઅપમાં જોવા મળ્યા હતા. ત્યારે કૃષ્ણા કહે છે કે મૈં ગયા મહિને જ કુલી નંબર 1 જોઈ અને મને આ ફિલ્મ ખૂબ જ પસંદ આવી. આના પર કીકૂ કહે છે કે ગયા મહિને તો ફિલ્મ જ રિલીઝ નહોતી થઈ. તો જવાબમાં કૃષ્ણા કહે છે કે હું જુની કુલી નંબર 1ની વાત કરી રહ્યો છું. તો આના પર કીકૂ ટોન્ટ મારતા કહે છે કે- તૂ કંઈક સારું કામ કરતો તો તૂ પણ આ ફિલ્મમાં હોત.
કૃષ્ણા કહે છે-છી છી આવી વાતો ના કર. આના જવાબમાં કીકૂ કહે છે-ચીચી તો એમ પણ તારી સાથે વાત નથી કરતા. આ સાંભળતા જ કપિલ શર્મા, વરૂણ ધવન, સારા અલી ખાન અને જાવેદ જાફરી જોરથી હસવા લાગે છે. તમને જણાવી દઈએ કે લાંબા સમયથી કૃષ્ણા અને ગોવિંદા વચ્ચે વાત થતી નથી. જેના કારણે બંને એક સાથે એક સમયે સ્ટેજ શેર કરતા નથી. કૃષ્ણાએ કહ્યું હતું કે, કપિલ શર્મામાં જ્યારે ગોવિંદા આવવાનો હતો ત્યારે તેણે પોતે એ એપિસોડમાં કામ કરવાની ના પાડી દીધી હતી.
કૃષ્ણા અભિષેકની પત્ની કાશ્મીરા શાહે એક ટ્વીટ કરી હતી. તેણે ટ્વીટમાં કહ્યું હતું કે લોકો પૈસા માટે નાચતા હોય છે. ગોવિંદાની પત્ની સુનીતાનો આક્ષેપ હતો કે કાશ્મીરાએ આ ટ્વીટના માધ્યમથી ગોવિંદાને સંભળાવ્યું છે. બસ ત્યારથી બંને પરિવાર વચ્ચેના સંબંધો ખરાબ થયા છે.