યુપીના અલીગઢમાં આઠ મહિના પહેલા ડોક્ટરોએ એક યુવાનની કિડની કાઢી લીધી હતી તેની ખબર યુવાનને આજે પડતા તેને ભારે આઘાત લાગ્યો હતો.
ઉત્તર પ્રદેશના અલીગઢની ચોંકાવનારી ઘટના
યુવાન પહોંચ્યો પથરીના ઓપરેશન માટે
ડોક્ટરોએ ડાબી કિડની કાઢી લીધી
યુવાનને આઠ મહિના પછી ખબર પડી
ઉત્તર પ્રદેશના અલીગઢથી એક ચોંકાવનારા સમાચાર સામે આવ્યા છે. અલીગઢમાં હોમગાર્ડમાં ફરજ બજાવતા સુરેશ કુમાર નામના એક યુવાન જ્યારે પથરી કઢાવવા માટે હોસ્પિટલમાં દાખલ થયો ત્યારે ડોક્ટરોએ પૈસાની લાલચમાં તેની કિડની કાઢી લીધી હતી, ડોક્ટરોનું કાળું કામ દટાઈ ગયું હોત પરંતુ કુદરતને તેમ કરવું મંજૂર નહોતું અને 8 મહિના બાદ યુવાનને ખબર પડી કે તેની પથરી નહીં પરંતુ આખી કિડની જ કાઢી લેવાઈ છે. આ સમાચાર જાણ્યા બાદ યુવાનની શું હાલત થઈ હશે તેની કલ્પના કરો.
ડોક્ટરોએ આખી કિડની જ બહાર કાઢી લીધી
હોમગાર્ડના જવાન સુરેશ કુમારને આઠ મહિના પહેલા પથરીનો દુખાવો ઉપડતા હોસ્પિટલ દાખલ કરાયા હતા. જ્યાં ડોક્ટરોએ પથરીના ઓપરેશનના બહાને તેની કિડની કાઢી લીધી હતી. યુવાનને હવે ફરી વાર દુખાવો ઉપડ્યો ત્યારે તે તપાસ માટે હોસ્પિટલ પહોંચ્યો હતો અને અલ્ટ્રાસાઉન્ડમાં તેની એક કિડની ગાયબ હોવાનું માલૂમ પડતાં તેની છાતીના પાટિયા બેસી ગયા હતા. આ પછી, પીડિત યુવાને આ અંગે હોસ્પિટલમાં પૂછપરછ કરી હતી પરંતુ કોઈએ તેને સંતોષકારક જવાબ ન આપતાં તેણે મુખ્ય વિકાસ અધિકારીને ફરિયાદ કરી હતી. મુખ્ય વિકાસ અધિકારીએ પણ તેની ફરિયાદની ગંભીરતાને ધ્યાનમાં લઈને સીએમઓને આ મામલે તપાસ કરવા નિર્દેશ આપ્યા છે.આ ઘટના કાસગંજ સ્થિત મુખ્ય વિકાસ અધિકારી (સીડીઓ) ઓફિસમાં તૈનાત હોમગાર્ડ સુરેશ ચંદ્ર સાથે બની હતી. કાસગંજના સીડીઓ સચિને કહ્યું કે, તેમણે ચીફ મેડિકલ ઓફિસરને આ મામલાની જાણકારી મળતા જ આ મામલાની તપાસ કરવા અને એક વ્યાપક રિપોર્ટ રજૂ કરવાની સૂચના આપી છે.પીડિત સુરેશે જણાવ્યું હતું કે, એપ્રિલમાં તેને પેટમાં દુખાવો થઈ રહ્યો હતો. 14 પ્રિલે તેનું અલ્ટ્રાસાઉન્ડ થયું હતું અને તેમાં જાણવા મળ્યું હતું કે ડાબી કિડનીમાં સ્ટોન છે. આ પછી, લેબના લોકોએ તેમને અલીગઢના ક્વારસી બાયપાસ રોડ પર એક ખાનગી હોસ્પિટલમાં મોકલ્યા હતા. જ્યાં બીજા દિવસે ડોક્ટરોએ તેના પર ઓપરેશન કરીને પથ્થર બહાર કાઢ્યો હોવાનું જણાવ્યું હતું.
આઠ મહિના પછી ફરી દુખાવો ઉપડ્યો
પીડિતાએ કહ્યું કે હોસ્પિટલમાંથી રજા મળ્યા બાદ આઠ મહિના સુધી બધુ બરાબર હતું, પરંતુ થોડા દિવસોથી તેને ફરીથી દુખાવો થવા લાગ્યો છે. આવી સ્થિતિમાં તેણે ડોક્ટરનો સંપર્ક કર્યો અને પછી ડોક્ટરની સલાહ પર ફરીથી અલ્ટ્રાસાઉન્ડ કરાવ્યું. તેની ડાબી કિડની ગાયબ હોવાનું જાણવા મળ્યું હતું. પીડિતાએ જણાવ્યું કે, આ જાણકારી બાદ જ્યારે તે તે હોસ્પિટલ પહોંચ્યો તો ત્યાંના હોસ્પિટલ મેનેજમેન્ટે કોઇ નક્કર જવાબ આપ્યો નથી.
પથરીના ઓપરેશન માટે 28000નું બીલ ભર્યું
પીડિત યુવાને કહ્યું કે તેણે પથરીના ઓપરેશન માટે હોસ્પિટલમાં 28 હજાર રૂપિયાનું બિલ ભર્યું હતું. હૉસ્પિટલમાંથી ડિસ્ચાર્જ કરતી વખતે ડૉક્ટરોએ એમને કહ્યું હતું કે એમની પથરી કાઢી નાખવામાં આવી છે. પીડિતાએ જણાવ્યું કે, હોસ્પિટલમાં રહેવા દરમિયાન ડોક્ટર્સે તેને પરિવારના કોઇ સભ્યને મળવાની મંજૂરી આપી ન હતી. હાલમાં આ સમગ્ર મામલે તપાસ ચાલી રહી છે.