અમેરિકાના કેલિફોર્નિયામાં સોમવારે ભારતીય મૂળના ચાર લોકોનું અપહરણ કરવામાં આવ્યું છે. જેમાં 8 મહિનાની બાળકીનો પણ સમાવેશ થાય છે. આ ઘટના કેલિફોર્નિયાના મર્સિડ કાઉન્ટીની છે. એક ન્યૂઝ અનુસાર મર્સિડ કાઉન્ટી શેરિફ ઓફિસે સોમવારે જાહેર એક નિવેદનમાં જણાવ્યું હતું કે, 36 વર્ષીય જસદીપ સિંહ, 27 વર્ષીય જસલીન કૌર, તેમની આઠ મહિનાની પુત્રી આરુહી અને 39 વર્ષીય અમરદીપ સિંહ અપહરણ કરવામાં આવ્યું છે.
કેલિફોર્નિયામાં સોમવારે ભારતીય મૂળના ચાર લોકોના અપહરણ કેસમાં આ કેસમાં વધુ માહિતી મળી શકી નથી કારણ કે તપાસ હજુ પ્રારંભિક તબક્કામાં છે. પરંતુ પ્રશાસને જણાવ્યું છે કે, સાઉથ હાઈવે 59ના 800 બ્લોકમાંથી 4 લોકોનું બળજબરીથી અપહરણ કરવામાં આવ્યું હતું. પરિવારનું એવી જગ્યાએથી અપહરણ કરવામાં આવ્યું છે જ્યાં સમગ્ર લાઇનમાં રિટેલર્સ અને રેસ્ટોરન્ટ છે.
એક ન્યૂઝ અનુસાર, અધિકારીઓએ હજુ સુધી શંકાસ્પદ વ્યક્તિનું નામ અથવા અપહરણ પાછળનો હેતુ જાહેર કર્યો નથી. સોમવારે એક નિવેદનમાં પોલીસે કહ્યું, 'અમે લોકોને સતત કહીએ છીએ કે તેઓ શંકાસ્પદ અથવા પીડિતો સુધી પહોંચવાનો પ્રયાસ ન કરે. તેઓએ 911 પર પોલીસને જાણ કરી.
અમેરિકામાં ભારતીયો પર હુમલાની ઘટનાઓમાં વધારો
અમેરિકામાં ભારતીયો પર હુમલાની ઘણી ઘટનાઓ બની છે. 21 ઓગસ્ટે કેલિફોર્નિયામાં ટેકો બેલ રેસ્ટોરન્ટમાં વંશીય હુમલાની ઘટના પ્રકાશમાં આવી હતી. તેનો એક વીડિયો પણ વાયરલ થયો હતો. જ્યારે કૃષ્ણન જયરામન નામનો વ્યક્તિ પોતાનો ઓર્ડર લેવા રેસ્ટોરન્ટમાં ગયો ત્યારે તેના પર વંશીય હુમલો કરવામાં આવ્યો. આરોપીએ તેને કહ્યું કે તું હિંદુ છે જે ગૌમૂત્રથી સ્નાન કરે છે. ટેક્સાસમાં પણ એક મેક્સિકન-અમેરિકન મહિલાએ ચાર ઈન્ડો-અમેરિકન મહિલાઓ પર વંશીય ટિપ્પણી અને હુમલો કર્યો હતો.મેક્સિકન-અમેરિકન મહિલા અભદ્ર ટિપ્પણી કરતી અને ભારતીય મૂળની મહિલાઓ સાથે દુર્વ્યવહાર કરતી જોવા મળી હતી.