'પોલીસ' બની 'ચોર'! બાળકનું કર્યું અપહરણ વસ્તુઓ ચોરી પણ મહિલાઓ તો ખરીદીમાં વ્યસ્ત લોકોને જાગૃત કરવા અભિયાન

અમદાવાદઃ દિવાળીના તહેવારોમા ખરીદીમા મશગૂલ રહેશો તો તમારા બાળકનુ અપહરણ અને કિમંતી વસ્તુની ચોરી થઈ શકે છે. પોલીસના જાગૃતી અભિયાનમા અનેક લોકોની વસ્તુઓ ચોરાઈ અને બાળકોના અપહરણ થયા. જ્યારે લોકો ખરીદીમા જ વ્યસ્ત રહ્યા હતા. આ ઝુંબેશ અંતગર્ત પોલીસે લોકોને જાગૃત રહેવા અપીલ કરી હતી.

ખરીદી કરવામા મશગૂલ મહિલાઓ
દિવાળીના પર્વને લઈને બજારોમા ખરીદીની ભીડ જામી છે. આ જોવો ચોર ટોળકી પણ સક્રીય થઈ ગઈ. ખરીદી કરેલા લોકોની વસ્તુઓ ચોરી કરી રહ્યા છે. પરંતુ ખરીદી કરવામા મશગૂલ એવી મહિલાઓને ખબર જ નથી કે તેમની વસ્તુઓ ચોરાઈ રહી છે. પણ જ્યારે ચોરી થઈ રહી છે જેની જાણ થતા હેબતાઈ જાય છે. પરંતુ ચોર તેમની સામે છે. 



કારણ કે ચોર બીજુ કોઈ નહીં પરંતુ પોલીસ જ હતી. જેથી તેમની ચોરી થયેલી વસ્તુઓ પરત મળી ગઈ. જો ખરેખર ચોર ટોળકી હોત તો અનેક લોકોની કિમંતી વસ્તુ ચોરાઈ ગઈ હોત. આ દ્રશ્યો લોકોની બેદરકારી છતી કરી રહ્યા છે. મહિલાઓ ખરીદીમા એટલા મશગૂલ છે કે વસ્તુઓ ચોરાઈ રહી હોવાનુ તેમને ભાન જ નથી.

બાળક તો બાજુમા જ હતું ક્યા ગાયબ થયુ
આ બાળક રડી રહ્યુ છે તેનુ અપહરણ થઈ ગયુ. એક પોલીસ કર્મચારી બાળકનુ અપહરણ કરીને લઈ ગયો. પરંતુ તેની માતાને ખબર જ નથી. જ્યારે બાળક નથી ત્યારે ખબર પડી તો તે વિચારોમાં પડી ગઈ. બાળક તો બાજુમા જ હતું ક્યા ગાયબ થઈ ગયુ. જ્યારે પોલીસ તેના બાળકને લઈને આવી તો તેને રાહત અનુભવી. મહિલાઓ ખરીદી કરવામા બાળકોની સલામતીનું પણ નથી વિચારતી. પોલીસે આ મહિલાને ઠપકો તો આપ્યો. પણ ખરીદીમા બે ધ્યાન રહેતી મહિલાઓને જાગૃત પણ કરી.

પોલીસ ખુદ ચોર બનીને બજારોમા ચોરી કરી
દિવાળીના પર્વમા ખરીદીમા વ્યસ્ત રહેતા લોકોને જાગૃત કરવા પોલીસ ખુદ ચોર બનીને બજારોમા ચોરી કરી રહી હતી. આ પ્રકારે તેમણે લોકોને જાગૃત કર્યા. પોલીસે ચોર ટોળકીનો ડેટા તૈયાર કર્યો છે. જે ચોર ટોળકી બજારોમા ફરતી હશે તેમને પકડવા માટે વિશેષ સ્કોડની રચના પણ કરાઈ છે. આ ઉપરાંત બજારોમા સ્પીકર દ્વારા ચોર ટોળકીથી સાવચેત રહેવાની જાહેરાત કરીને લોકોને એલર્ટ પણ કરવામા આવે છે.

બજારોમા સક્રિય થતી ચોર ટોળકીથી સલામત રહેવા અને પોતાની કિમંતી વસ્તુઓની તકેદારી રાખવાના પોલીસના અનોખા અભિયાનથી લોકોમા ઉત્સાહ જોવા મળ્યો. આ ઉપરાંત લોકોએ પોલીસના ઝુંબેશને બિરદાવીને પોતાની બેદરકારીનો સ્વીકાર પણ કર્યો.