Sidharth Kiara Wedding / કિયારા-સિદ્ધાર્થે પોતાના શાહી લગ્નોત્સવમાં પધારેલ મહેમાનોનો આ રીતે આભાર માન્યો, જુઓ શુ લખ્યું?

• રાજસ્થાનમા કિયારા અને સિદ્ધાર્થનો શાહી લગ્નોત્સવ સંપન્ન
• લગ્નોત્સવમાં પધારેલ મહેમાનોનો આભાર માન્યો, 
• ખુશીઓમાં સાથે રહેવા બદલ આભાર

બોલિવુડમાં કિયારા અને સિદ્ધાર્થના શાહી લગ્ન રાજસ્થાનના જેસલમેર ખાતે થયા હતા. આ લગ્નમાં બોલિવુડમાંથી અનેક લોકો હાજર રહ્યા હતા. ત્યારે આજે કિયારા અને સિદ્ધાર્થે પોતાના લગ્નમાં આવેલા મહેમાનો માટે એક નોટ લખી હતી જેમાં લખ્યુ હતુ કે, ખુશીઓમાં સાથે રહેવા બદલ તમામનો આભાર.

આભાર વ્યક્ત કરતી નોંધ લખી

બોલિવુડમાં સિદ્ધાર્થ અને કિયારા હવે પતિ-પત્નીના બંધનમાં બંધાઈ ગયા છે. બંનેએ ગત પાંચ ફેબ્રુઆરીથી સાત ફેબ્રુઆરી વચ્ચે રાજસ્થાનના જેસલમેર ખાતે આવેલા સૂર્યપેલેસમાં રોયલ લગ્ન કર્યા હતા. અને આ શાહી લગ્નમાં બોલિવુડમાંથી શાહિદ કપુર, તેમની પત્ની મીરા રાજપુત, જુહી ચાવલા, કરણ જોહર, અરમાન જૈન, તેમજ કિયારા અડવાણીની નાનપણની બહેનપણી અને મુકેશ અંબાણીની પુત્રી ઈશા અંબાણી તેમના પતિ સાથે પહોચી હતી. આ લગ્નમાં હાજર રહેનારા માટે હવે ન્યુલી કપલે સુંદર મજાની એક આભાર વ્યક્ત કરતી નોંધ લખી છે.

શુ લખ્યું છે આ નોટમાં ?
રાજસ્થાનના જેસલમેર ખાતે હાજર રહેનારા તમામ મહેમાનો માટે સિદ્ધાર્થ મલ્હોત્રા અને કિયારા અડવાણીએ એક નોટમાં લખ્યું છે કે, અમારા લગ્નમાં અને અમારી ખુશીઓમાં સામેલ થવા માટે આપ તમામનો આભાર. અમે લોકો ખરેખર નસીબદાર છીએ કે અમને આવો પરીવાર અને મિત્રો મળ્યા છે. કે જેઓ અમારા આ પ્રસંગે દુર દુરથી હાજરી આપી છે. આ સાથે જ કિયારા અને સિદ્ધાર્થે નોટની સાથે સાથે પોતાના નામનો પ્રથમ શબ્દ S અને K નો સિક્કો પણ આપ્યો હતો.