કિયારા અડવાણીએ આ વર્ષે કબીર સિંહ જેવી હિટ ફિલ્મ આપીને બોલિવુડમાં પોતાનું સ્થાન બનાવી દીધું છે. કિયારાએ વર્ષ 2014 માં ફગલીથી પોતાના કરિયરની શરૂઆત કરી હતી. કિયારાની પાસે ઘણી સારી ઑફર્સ છે. કિયારા હવે ‘ગુડ ન્યૂઝ’ માં કરિના કપૂર, અક્ષય કુમાર અને દલજીત દોસાંઝની સાથે જોવા મળશે.
આ ફિલ્મ કોમેડી ડ્રામા છે. તાજેતરમા જ કિયારાએ એક પ્રમોશનલ ઇવેન્ટમાં કહ્યુ કે, ‘’એક્ટ્રેસ બન્યા પહેલા તે બાળકોને સંભાળતી હતી.’’ જી હા એક ઇન્ટવ્યૂમાં કહ્યુ કે, ‘’એક્ટર બન્યા પહેલા, મારી પહેલી જોબ મારી માની પ્રી સ્કૂલમાં લાગી હતી. હું સવારે 7 વાગે પહોંચીને બાળકોનું ધ્યાન રાખતી હતી.’’
કિયારાએ આગળ કહ્યુ કે, ‘’હું બાળકનેે સંભાળવાનુ તમામ કામ કરતી હતી. હું નર્સરીની કવિતા ગાતી હતી, તેમણે આલ્ફાબેટ્સ અને નંબર્સ યાદ કરાવતી હતી, આ સિવાય તેમણે ડાયપર્સ પણ સાફ કરવાની સાથે બદલ્યા છે. હું બાળકોને ખૂબ જ પ્રેમ કરું છું. હું પણ મારું બાળક ઇચ્છુ છું કેમકે મને લાગે છે કે આ જિંદગીનો સૌથી સારો અહેસાસ છે.’’
તમને જણાવી દઇએ કે, ફિલ્મ ‘કબીર સિંહ’ પછી કિયારાના કામના સતત વખાણ થઇ રહ્યા છે. આ ફિલ્મમાં કિયારાએ બોલિવુડના ચોકલેટી બૉય શાહિદ કપૂરની ઑપોઝિટમાં જોવા મળી હતી અને ફિલ્મનું ડિરેક્શન સંદીપ રેડ્ડી વાંગાએ કર્યુ હતુ. કિયારાએ પોતાના કરિયરની શરૂઆત ‘ફગલી’ થી કરી હતી, જે પછી તે ધોનીની બાયોપિક એમ.એસ.ધોની અનટોલ્ડ સ્ટોરીમાં તથા મશીન, લસ્ટ સ્ટોરીઝ નામની વેબ સીરિઝ, કલંકમાં વરૂણ ધવનની સાથે જોવા મળી હતી.
આ સિવાય કિયારાએ સાઉથની ફિલ્મોમાં પણ અલગ સ્થાન બનાવ્યુ છે. ફિલ્મ ‘ગુડ ન્યૂઝ’ની વાત કરવામાં આવે તો અક્ષય કુમાર, કરિના કપૂર અને દલજીતી દોસાંઝની સાથે જોવા મળશે. આ સિવાય ‘લક્ષ્મી બોમ્બ’, ‘ઇંદુ કી જવાની’, ‘ભૂલ ભૂલૈયા’ અને ‘શેરશાહ’માં જોવા મળશે.