કિયારા અડવાણીને સિદ્ધાર્થ મલ્હોત્રાની ફિલ્મ શેરશાહમાં ડિમ્પલ ચીમાની ભૂમિકા માટે દર્શકોનો પ્રેમ અવિરતપણે મળી રહ્યો છે. કિયારાએ આ ફિલ્મમાં શહીદ કેપ્ટન વિક્રમ બત્રાની ગર્લફ્રેન્ડની ભૂમિકા નિભાવી છે.
ડિમ્પલ ચીમા શેરશાહ ફિલ્મના ગીતોથી ખૂબ પ્રભાવિત: કિયારા
આ ફિલ્મમાં કારગિલ યુદ્ધની સાથે-સાથે વિક્રમ બત્રા અને ડિમ્પલ ચીમાની લવસ્ટોરી પણ જોવા મળી છે, જેને જોયા બાદ કોઈ પણ વ્યક્તિ ભાવુક થઈ જશે. હવે કિયારાએ ફિલ્મ પર અસલી ડિમ્પલ ચીમાની પ્રતિક્રિયા અંગે ખુલાસો કર્યો છે. એક અહેવાલ મુજબ, એક સમાચાર સંસ્થાની ખાસ વાતચીતમાં કિયારા અડવાણીએ ખુલાસો કરતા કહ્યું કે મેં ફિલ્મ બાદ તેમને મેસેજ કર્યો. ડિમ્પલ ચીમા ફિલમના ગીતોથી ખૂબ જ પ્રભાવિત છે. શેરશાહ ડિમ્પલ માટે ખૂબ જ ઈમોશનલ ફિલ્મ છે. જોકે, હું અત્યારે તેમની પ્રાઈવસીનું સન્માન કરુ છું અને તેમને થોડી પ્રાઈવસી આપવા માંગુ છું.
કિયારાએ વધુમાં કહ્યું કે, જ્યારે હું ફિલ્મ કર્યા બાદ કેપ્ટન બત્રાના પરિવાર સાથે મળી. તો તેમણે કહ્યું કે, હું ડિમ્પલ જેવી લાગતી હતી. જેનાથી હું ભાવુક થઈ હતી. તેમને આ વાત પર ગર્વ હોવો જોઈએ કે તેમની કહાની લોકોને પસંદ આવી રહી છે.
શેરશાહની તૈયારી દરમ્યાન કિયારાની મુલાકાત ડિમ્પલ સાથે થઈ હતી. હાલમાં કિયારાએ એક ન્યૂજ એજન્સીને જણાવ્યું હતું, ડિમ્પલે આ જીવનને જીવવા માટે પસંદ કર્યુ છે અને તેઓ એટલા ખુશ છે કે કેપ્ટન બત્રા હજી પણ તેની આસપાસ છે. ડિમ્પલ ખૂબ જ લાગણીશીલ અને પ્રેમાળ છે. ડિમ્પલ ચીમાના પાત્રએ મને કોઈ પણ શરત વગર પ્રેમ કરવાનું શિખવાડ્યું.