બોલિવુડ ગપશપ / હવે પછી કબીર સિંઘ જેવી ફિલ્મ કરતાં પહેલા બે વખત વિચાર કરીશ, જાણો શા માટે આવું બોલી ગઈ નવી મંજુલિકા

• કોઈપણ ફિલ્મની રીમેક કરતા પહેલા વિચારીશ - કિયારા અડવાણી 
• ભૂલ ભુલૈયા 2માં જોવા મળશે કિયારા 
• કંગનાની ધાકડ સાથે ક્લેશ થશે ભૂલ ભુલૈયા 2 

કોઈપણ ફિલ્મની રીમેક કરતા પહેલા વિચારીશ - કિયારા અડવાણી 

કિયારા અડવાણી આજકાલ પોતાની અપકમિંગ ફિલ્મ ભૂલ ભુલૈયા 2નાં પ્રમોશનમાં ઘણી વ્યસ્ત છે. આ ફિલ્મ બાદ તે સાઉથ સુપરસ્ટાર રામચરણ સાથે ફિલ્મ 'આરસી 15'માં જોવા મળશે. જણાવી દઈએ કે કિયારાએ સાઉથ ફિલ્મ 'અર્જુન રેડ્ડી'ની હિંદી રીમેક 'કબીર સિંહ'માં કામ કર્યા બાદ બોલિવુડમાં પોતાની અલગ ઓળખાણ બનાવી છે. જોકે હવે તેણે એક ઇન્ટરવ્યૂ દરમિયાન કહ્યું કે તે આ પ્રકારની વધુ એક રીમેક કરતા પહેલા બે વખત વિચારશે. 

અભિનેત્રીએ કહ્યું કે જો ઓરિજીનલ વર્ઝન ઓટીટી પ્લેટફોર્મ પર ઉપલબ્ધ છે, તો આવામાં રીમેક વિષે વિચારવું પડશે કેમકે દર્શકો આ ઓનલાઈન જોઈ શકે છે. જો રીમેક ઓરિજીનલ ફિલ્મનું અડોપ્શન છે અને સ્ટોરીમાં કંઈ જ બદલાવ નથી, તો આ વિષે વિચારવું પડે.

બોલિવુડ સાઉથની ફિલ્મો પર નિર્ભર નથી 
કિયારા આગળ કહે છે કે બોલિવુડ સાઉથની ફિલ્મો પર નિર્ભર નથી. તેમણે કહ્યું કે મને લાગે છે કે ક્યારેક ક્યારેક નાની ફિલ્મ, જે એક મોતી જેવી હોય છે, જે એક નિશ્ચિત ભાષામાં બનાવવામાં આવે છે, તેને લિમિટેડ લોકો જ જોઈ શકે છે. આપણા દેશમાં હિંદી વ્યાપક રૂપથી બોલાતી ભાષા છે. આવામાં તમને લાગે છે કે કેમ આ ફિલ્મને વધારે દર્શકો માટે ન બનાવવામાં આવે? એટલે વધારે લોકો સુધી આ ફિલ્મ સરળતાથી પહોંચી શકે. 

20 મેનાં રોજ ધાકડ સાથે રિલીઝ થશે ભૂલ ભુલૈયા 2 
વર્ક ફ્રંટની વાત કરીએ તો, કિયારા જલ્દી જ ફિલ્મ ભૂલ ભુલૈયા 2માં જોવા મળશે. આ ફિલ્મમાં તેમની સાથે કાર્તિક આર્યન પણ જોવા મળશે. આ ફિલ્મ 20 મેનાં રોજ સિનેમાઘરોમાં રિલીઝ થશે. એટલું જ નહીં, ફિલ્મ કંગના રનૌત સ્ટારર ધાકડ સાથે ક્લેશ કરવાની છે. ભૂલ ભુલૈયા 2 બાદ કિયારા વરુણ ધવન, અનિલ કપૂર અને નીતૂ કપૂર સાથે 'જુગ જુગ જીયો'માં જોવા મળશે.