અનીસ બજ્મીના નિર્દેશનમાં બનેલી ફિલ્મ ભૂલ ભુલૈયા 2નો દર્શકો આતુરતાપુર્વક રાહ જોઈ રહ્યાં છે. આ સાઇકોલોજીકલ કૉમેડી થ્રિલર ડ્રામા ફિલ્મમાં કિયારા અડવાણી રીત નામનુ પાત્ર ભજવી રહી છે.
'ભૂલ ભુલૈયા 2'માં કિયારા રીત નામનુ પાત્ર ભજવશે
ફિલ્મ નિર્માતાઓએ ફિલ્મનું એક ટીઝર શેર કર્યુ
રીતની ભયજનક અંદાજમાં મુલાકાત કરાવી
ભૂલ ભુલૈયા 2- કિયારાએ શેર કર્યુ ટીઝર
ફિલ્મના નિર્માતાઓએ ફિલ્મનું એક ટીઝર પોસ્ટ શેર કરી રીતની ભયજનક અંદાજમાં મુલાકાત કરાવી છે, જેને જોઈને તેના ચાહકોના રૂંવાડા ઉભા થયા છે. કિયારાએ આ ટીઝરને તેના ઈન્સ્ટાગ્રામ પર શેર કર્યો છે. કિયારા અડવાણીના શેર કરવામાં આવેલા વીડિયોની શરૂઆતમાં રીતની આંખોમાંથી ઝૂમ થવાનુ શરૂ થાય છે, જેમાં તેની આંખો ભયજનક દેખાય છે અને આંખોમાં ડર દેખાય છે. ધીરે-ધીરે કિયારાના ચહેરા પરથી કેમેરો ઝૂમ આઉટ થાય છે તો છેલ્લે દેખાય છે કે એક ભૂતિયા હાથ તેના માથાને પકડી રહ્યો છે. આ વીડિયોના બેકગ્રાઉન્ડમાં ડરામણુ સંગીત પ્લે થઇ રહ્યું છે.
ભુલ ભૂલૈયા 2ના આ વીડિયો ટીઝરને ઈન્સ્ટાગ્રામ પર શેર કરી કિયારા અડવાણીએ લખ્યું છે, રીતને મળો. મૂર્ખ ના બનશો. આ એટલી સ્વીટ નથી. કિયારા અડવાણીના આ વીડિયોને જોઈને પ્રશંસકો ખૂબ કોમેન્ટ કરી રહ્યાં છે અને રીતને જોવા માટે એક્સાઈટેડ થયા છે. આ વીડિયો પર ચાહકો હાર્ટ અને ફાયર ઈમોજી શેર કરી તેનો પ્રેમ વરસાવી રહ્યાં છે. કોઈને કિયારાનો કિલર લુક દેખાઈ રહ્યો છે તો કોઈકના રૂંવાડા ઉભા થઇ રહ્યાં છે. એક ચાહકે લખ્યું, તમે જે જણાવવા માંગો છો તો તે તમારી આંખો દર્શાવી રહી છે.