પાર્ટી / એક્ટ્રેસે સેલિબ્રેટ કરી 'Kabir Singh' ની સક્સેસ, જુઓ ઉજવણીની તસવીરો

ફિલ્મનું ટ્રેલર રિલીઝ થતાની સાથે લોકોમાં ફિલ્મને લઇને ઉત્સાહ જોવા મળી રહ્યો હતો, જે પછી ફિલ્મ રિલીઝ થતા ઓડિયન્સ થિયેટર્સમાં પહોંચી રહ્યા છે. ઘણા લોકોએ ફિલ્મને લઇને નેગેટિવ રિવ્યૂ પણ આપ્યા છે. તેમ છતાં ફિલ્મ ઓડિયન્સ અને બોક્સ ઑફિસ કલેક્શનમાં સફળ રહી છે. 

તાજેતરમાં ફિલ્મ 'કબીર સિંહ' ની એક્ટ્રેસ કિયારા અડવાણીએ પોતાના પેરેન્ટ્સની સાથે ફિલ્મનું સેલિબ્રેશન કર્યુ હતુ. કિયારાએ ફિલ્મના પોસ્ટરવાળી કેક કાપી. આ દરમિયાન કિયારાએ મમ્મીની સાથે પોઝ આપ્યો. સેલિબ્રેશન વખતે કિયારા વ્હાઇટ કલરના ટીશર્ટ અને સિલ્વર સકર્ટમાં જોવા મળી હતી. 

એક રિપોર્ટ અનુસાર, ફિલ્મે બુધવારે 15.75 કરોડ રૂપિયાની કમાણી કરી. આ રીતે ફિલ્મ બોક્સ ઑફિસ પર અત્યાર સુધી 120 કરોડ રૂપિયાની કમાણી કરી દીધી છે. 

સંદીપ વંગા રેડ્ડીના ડિરેક્શનમાં બનેલી ફિલ્મ 'કબીર સિંહ' તેલુગુની સુપરહિટ ફિલ્મ ‘અર્જુન રેડ્ડી’ની હિન્દી રિમેક છે. ફિલ્મમાં અર્જૂન બાજવા, સુરેશ ઓબરોય, કામિની કૌશલ, આદિલ હુસૈન અને નીકિતા દત્તા લીડ રોલમાં જોવા મળી રહ્યા છે.