ભારતીય બજારમાં SUVની ડિમાન્ડ વધી રહી છે. ત્યારે હવે આ સેગમેન્ટમાં એક નવા પ્લેયરની એન્ટ્રી થવા જઇ રહી છે. દક્ષિણ કોરિયાની કંપની કિયા મોટર્સ 7 ઓગસ્ટે તેની કિયા સોનેટ SUVનું વર્લ્ડ પ્રિમિયર કરી રહી છે. જેને સપ્ટેમ્બર મહિનાના ફેસ્ટિવલ સિઝનને ધ્યાનમાં રાખીને લોન્ચ કરવામાં આવશે. મિડીયા રિપોર્ટ અનુસાર આ કારની બૂકિંગ 7 ઓગસ્ટે શરૂ થઇ શકે છે.
કિયાની નવી SUV 7 ઓગસ્ટે થશે લોન્ચ
નવા ફીચર્સ સાથે થશે લોન્ચ
ભારતીય બજારમાં SUVની ડિમાન્ડ વધી
આ બાબતે કંપનીએ કોઇ સત્તાવાર જાહેરાત કરી નથી કે બુકિંગ અમાઉન્ટ કેટલુ હશે. કેટલાક ડિલરોએ સંકેત આપ્યા છે કે 7 ઓગસ્ટે જ આ કારની બૂકિંગ શરૂ થઇ જશે. ભારતીય બજારમાં આ કંપનીની ત્રીજી કાર હશે જે લોન્ચ થશે.
કેવું હશે એન્જીન
નવી કિયા સોનેટની બે અલગ પેટ્રેલ એન્જીન સાથે બજારમાં પેશ કરશે. 1.0 લીટરની ક્ષમતાવાળુ એન્જીન અને 1.2 લીટરની ક્ષમતાવાળું એન્જીન એમ બે એન્જીનનો ઉપયોગ કરી શકે છે. તેમાં 6 સ્પીડ મેન્યુઅલ ટ્રાંસમિશન અને ડ્યુઅલ ક્લટ ટ્રાંસનિશન ગિયરબોક્સમાં સામેલ કરવામાં આવશે.
શાનદાર ફીચર્સ
નવી SUVમાં નવા ફીચર્સ આપવામા આવશે જે પહેલી વાર કોઇ ગાડીમાં દેખાશે. લોકોની ઉત્સુકતા આ માટે અત્યારથી જ વધી ગઇ છે. SUVમાં કંપનીએ ટાઇગર નોઝ ગ્રિલ, LED ટેલ લાઇટનો પ્રયોગ કર્યો છે.
જેમાં એલોય વ્હીલ, બોડી કલર ડોર હેન્ડલ, યુનિક ડિઝાઇનની ટેલ લાઇટ્સ, બ્લેક ગાર્નિશ પેઇન્ટ સ્કીમનો ઉપયોગ કરવામાં આવ્યો છે. કંપનીએ આના ફ્રન્ટની સાથે પાછળના ભાગને પણ સ્પોર્ટી લૂક આપ્યો છે.
લોન્ચ પહેલાથી જ આ SUVની કિંમત વિષે કોઇ જાણકારી આપવામાં આવી નથી, કેટલાક ડિલરનું કહેવું છે કે 7 લાખની કિંમતમાં આ કાર લોન્ચ થશે. માર્કેટમાં આવ્યા બાદ કિયા મારુતિની બ્રેઝા અને હ્યુન્ડાઇની વેન્યુને ટક્કર આપશે.