IPLIN
 

ઓટો ન્યૂઝ / લાંબા સમયથી રાહ જોવાતી Kia Sonet ભારતમાં થઈ લોન્ચ, કિંમત અને ફીચર્સ જાણી આજે જ બુક કરાવશો

Team VTV 05:22 PM, 18 Sep 20
Follow us
Kia Sonet Compact Suv Launched In India At Starting Price Of Rs 6.71

કિઆએ ભારતમાં તેની ત્રીજી સબ કોમ્પેક્ટ SUV સોનેટને લોન્ચ કરી દીધી છે. કારના બેઝ મોડલ (1.2 લિટર એન્જિનવાળી એચટીઈ)ની કિંમત 6.71 લાખ રૂપિયા છે અને ટોપ મોડલ (જીટીએક્સ)ની કિંમત 11.99 લાખ રૂપિયા છે. આ ઈન્ટ્રોડક્ટરી પ્રાઈસ (એક્સ-શોરૂમ) છે. આ એક સબ-4 મીટર કોમ્પેક્ટ એસયૂવી છે, જેની ઝલક કંપનીએ ગયા મહિ ને દેખાડી હતી. કંપનીએ તેની ડિઝાઈન અને ફીચર્સની જાણકારી પહેલાં જ જાહેર કરી દીધી હતી. આજે માત્ર કિંમતની જાહેરાત કરાઈ છે. કિઆ સોનેટની ટક્કર Maruti Suzuki Vitara Brezza, Hyundai Venue, Tata Nexon, Mahindra XUV300 અને Ford EcoSport જેવી કારો સાથે થશે.

એન્જિન અને પાવર

કિઆ સોનટ પાંચ વેરિઅન્ટ અને 11 કલર ઓપ્શંસમાં મળે છે. સોનેટમાં 1.2 લિટરનું ફોર સિલિન્ડર અને 1.0 લિટરનું GDi ટર્બો પેટ્રોલ એન્જિન ઓપ્શન્સ મળશે. તેમજ, તેમાં 1.5 લિટરનું CRDi ડીઝલ એન્જિન પણ મળશે. એન્જિનને 6 સ્પીડ મેન્યુઅલ અને ઓટોમેટિક ગિયરબોક્સ સાથે જોડી શકાય છે. 

ફીચર્સ

કિઆ સોનેટના 24 ફીચર્સ એવા છે જે પહેલીવાર આપવાાં આવી રહ્યાં છે. 10.25 ઇંચની ઇન્ફોટેનમેન્ટ સિસ્ટમ મળશે, જે સબ 4 મીટર કેટેગરીમાં સૌથી મોટી ઇન્ફોટેનમેન્ટ સિસ્ટમ છે. આ કાર વેન્ટિલેટેડ ફ્રંટ સીટવાળી તેના સેગમેન્ટની પહેલી કાર છે. આ સિવાય, 6-સ્પીડ AMT ઓપ્શનલ ઓટોમેટિક ગિયરબોક્સ આપવામાં આવ્યું છે, જે બીજી કોઈ કારમાં નથી. આ ગાડીમાં પણ LED સાઉન્ડ મૂડ લાઇટ્સ આપવામાં આવી છે, જે મ્યૂઝિકના બીટ્સ અનુસાર બદલાતી રહે છે. તેમાં રિઅર પાર્કિંગ સેન્સરની સાથે ફ્રંટ પાર્કિંગ સેન્સર પણ મળશે. આ સેગમેન્ટમાં આવાં ફીચર્સવાળી આ પહેલી કાર છે.

ઈન્ટિરિયર

કિઆ સોનેટ પણ ડ્યુઅલ ટ્રિમ કોન્સેપ્ટ સાથે આવશે. તેમાં 4.2 ઇંચનું ડિજિટલ ઇન્સ્ટ્રુમેન્ટ ક્લસ્ટર આપવામાં આવ્યું છે. તેની સાથે ઓટોમેટિક ક્લાયમેટ કન્ટ્રોલ, સનરૂફ પણ આપવામાં આવ્યું છે. તેમાં નેવિગેશન અને લાઇવ ટ્રાફિક જેવાં પ્રીમિયમ ફીચર્સ આપવામાં આવ્યાં છે. વાઇરસ પ્રોટેક્શન સાથે એર પ્યૂરિફાયર પણ મળશે. આ SUVમાં વાયરલેસ ચાર્જર, રિમોટ એન્જિન સ્ટાર્ટ, મલ્ટિ ડ્રાઇવ જેવાં ફીચર્સ પણ મળશે. અત્યાર સુધીમાં કંપનીને 25 હજારથી વધુ બુકિંગ મળી ચૂક્યા છે અને રોજ 1000 બુકિંગ મળી રહ્યાં છે. કંપનીનો એક વર્ષમાં ભારતમાં 1 લાખ યૂનિટ્સ વેચવાનો ટાર્ગેટ છે અને 50 હજાર યૂનિટ્સ એક્સપોર્ટ કરવાનો છે. 

Kia Sonet Compact Suv launched India
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ